Beynəlxalq İnkişaf üzrə ABŞ Agentliyi (USAID) və Beynəlxalq Qızıl Xaç və Qızıl Aypara Cəmiyyətləri Federasiyası (IFRC) tərəfindən maliyyə və texniki dəstək göstərilən, Azərbaycan Qızıl Aypara Cəmiyyəti (AzQAC) yerinə yetirdiyi “Yerli icmaların Fövqəladə hallar zamanı sağlamlıq üzrə dayanıqlığının gücləndirilməsi” layihəsi çərçivəsində fəaliyyətlər davam edir.
Bu layihəni 6 region ( Sumqayıt, İsmayıllı, Sabirabad,Lənkəran,Mingəçevir və Gəncə) 12 şəhər və rayon (Sumqayıt, İsmayıllı, Lənkəran, Astara, Sabirabad, İmişli,Mİngəçevir,Gəncə, Qax, Şəki, Ağdaş və Tovuz) və 39 icmanı əhatə edir. Layihə idarəçisi Samirə Həsənli tərəfindən Yanvar ayı üzrə olan tapşırıqlarına əsasən şəhər və rayon bölmələrinin sədrlərinin idarəçiliyi ilə rayon və icma əsaslı könüllülərinin fəal şəkildə həm könüllülər arasında, həm də icma üzvlərinə yönəlmiş aşağıdakı təlimləri həyata keçmişdir.
Belə ki 20-23 dekabr tarixlərində AzQAC tərəfindən Sumqayıt şəhərində təşkil olunmuş “İlk yardım” təlimində nəzəri və praktiki biliklər əldə etmiş AzQAC-nin heyət və könüllüləri bu bilik və bacarıqları digər könüllülərə və həmçinin icma üzvlərinə ötürülməsini həyata keçirdilər. Mövzu üzrə təlimlər Tovuz, Gəncə, Sabirabad, İmişli, Lənləran rayon və şəhər bölmələrinin ofisində, həmçinin Sumqayıt, Qax, Mingəçevir, İsmayıllı, Astaraya aid olan icmalarda – Sumqayıt şəhər avtomobil məktəbinin yataqxana icması, Qaxbaş kənd icması, “Tərvəzçilik” icması, Xanagah icması, Qapçıməhəllə Ə.Əliyev adına məktəb və Deqədi icmasında keçirilmişdir.Təlimlər zamanı AzQAC və BQXK əməkdaşlığı ilə hazırlamış, işçilər, könüllülər və icma üzvlərinin praktiki olaraq istifadəsi üzün nəzərdə tutulan və ilkin nümunə olaraq təqdim olunan “İlk yardım” üzrə broşur və təlimatlardan istifadə olundu.
Bununla birlikdə Qarın yatalağı, Dizenteriya, Vəba,” Oral redidratasiya məhlulunun hazırlanması”, Kəskin respirator xəstəliklər və Vərəm mövzuları üzrə İcmalarda əhali ilə söhbət aparılmış və broşurlar paylanılmışdır. (Şəki-Orta Zəyzid,Qoxmuq kənd icması,Sumqayıt- Sumqayıt şəhər Beton zavod ərazisi,Gəncə-İcma ərazisində yerləşən 122 saylı Kəlbəcər məktəb,Sabirabad- Yuxarı Axtaçı kənd məktəbi,Qax-Ağçay və Qaxbaş kənd icması).
