Novruz bayramı münasibəti ilə Sumqayit şəhərindən seçilmiş Millət Vəkillərimiz Hicran Hüseynova, Emin Hacıyev, Müşfiq Məmmədli və Tahir Mirkişilinin müraciəti əsasında  Azərbaycan Qızıl Aypara Cəmiyyətinin Sumqayıt şəhər bölməsində ehtiyaclı aztəminatlı ailələrə bayram sovqatları paylanılmışdı.Tədbirdə iştirak edən Millət Vəkillərimiz xanım Hicran Hüseynova və Emin Hacıyev seçicilərini bayram münasibəti ilə təbrik edərək, onlara xoş arzularını bildirdilər. AzQAC Sumqayıt şəhər bölməsinin sədri Mətanət Məhərrəmova qonaqları salamlayaraq, tədbirin PAŞA Sığorta ASC-nin dəstəyi ilə baş tutduğunu qeyd edərək, şirkətin rəhbərliyinə və bu gözəl təşəbbüs üçün Millət Vəkillərimizə minnətdarlığını bildirdi. Bayram sovqatları alan aztəminatlı ailə üzvləri tədbirin təşkilatçılarına öz minnətdarlıqlarını bildirdilər.