07-08 İyun 2022-ci il tarixində “Cənubi Qafqazda Yerli İcmaların Fövqəlada Hallar Zamanı Sağlamlıq Üzrə Dayanıqlığının Gücləndirilməsi”  layihəsi çərçivəsində layihə meneceri Samirə Həsənli Azərbaycan Qızıl Aypara Cəmiyyəti Ağdaş rayon bölməsini ziyarət etdi. O, könüllülər arasında təşkil olunmuş “Epidemiya ve Pandemiyaya hazırlıq” mövzusuna həsr olunmuş 2 günlük təlimdə iştirak etdi. Daha sonra  Gürcuva və Şəmsabad icmaları ziyarət olundu. İcma könüllüləri Ayaz Xəlilov adına Gürcuva kənd natamam orta məktəbində müəllim və şağird heyyəti və Şəmsabad kənd tibb məntəqəsində tibb işçiləri və digər kənd icma üzvləri üçün Vəba, Dizinteriya, Su Sanitariya ve Gigiyena, İlk Yardım üzrə təşkil olunmuş marifləndirici sessiya həyata keçirdilər. Fürsətdən istifadə edərək hər iki icmada İSİM-dən əldə edilmiş tütün əleyhinə və sağlam qidalanma mövzuları üzrə broşurlar paylanıldı.