Azərbaycan Qızıl Aypara Cəmiyyəti (AzQAC) öz mandatına və missiyasına uyğun olaraq istər dinc dövrdə, istər münaqişə, istərsə də fövqəladə hallar zamanı ehtiyaclı insanlara humanitar yardım göstərir. “Omax Sənaye Qrupu “ MMC ilə əməkdaşlıq çərçivəsində həyata keçirilən tədbirdə Azərbaycan Qızıl Aypara Cəmiyyətinin Binəqədi rayon bölməsinin qeydiyyatında olan tənha, ehtiyaclı ahıllara ərzaq bağlamaları təqdim olunub.

Ahıllar da öz növbələrində onları diqqətdə saxlayan AzQAC-ın Binəqədi rayon bölməsinin əməkdaşlarına və xeyriyyəçi təşkilatın rəhbərliyinə öz minnətdarlıqlarını bildiriblər.