Azərbaycan Vərəm əleyhi Koalisiyanın 24 Mart Beynəlxalq Vərəm Günü və Ulu Öndər Heydər Əliyevin 100 illiyi ilə bağlı Sosial İqtisadi kollecində səhiyyə aksiyası keçirildi.
Tədbirdə Azərbaycan Qızıl Aypara Cəmiyyəti əməkdaşı Koalisiya tərkibində iştirak etmiş və Cəmiyyətin bu sahədə gördüyü işlərdən danışmışdır.
7 aprel tarixində – Azərbaycan Vərəm əleyhinə QHT Koalisiyası və “Sağlamlığa Xidmət İctimai Birliyi və Ulu Öndər Heydər Əliyevin anadan olmasının 100 illiyi ilə əlaqədar Sabunçu rayon İcra Hakimiyyəti ilə birgə təşkil edilmiş Sabunçu rayonunda yerləşən Azərbaycan Dövlət İqtisad Universitetinin nəzdində Bakı Sosial-İqtisad Kollecində müəllim və tələbə kontingentinə Beynəlxalq Vərəm günü ilə bağlı 2 günlük səhiyyə marifləndirmə tədbiri keçirmişdir.
Tədbirdə koalisiyanın üzvləri müxtəlif mövzulara toxunaraq,onlara vərəm, onun yayılma yolları, profilaktik tədbirlər, vərəmin əlamətləri, diaqnostikası və müalicəsi haqqında geniş təqdimatla məlumat verdilər və Vərəmin müalicəsinə həsr olunmuş 15 dəqiqəlik bədii film göstərilmişdir.
Görüşə toplaşanlar tədbirə böyük maraq göstərərək interaktiv sual-cavabda fəal iştirak etmiş və koalisiya tərəfindən hədiyyə ilə mükafatlandırılmışlar.
Seminarın 2-ci günü Ulu Öndər Heydər Əliyevin anadan olmasının 100 illiyi ilə əlaqədar kollecdə ağciyərlərin səyyar rentgen müayinəsi keçirilmişdir. 100-dən çox tələbə və kollec heyəti profilaktik müayinə olunmuşdur. Aksiyada 12 saylı poliklinikanın və Mediclub klinikasının radioloqları və Koalisiyanın həkim ftiziatrı diaqnozların qoyulmasında iştirak etdilər.
