Beynəlxalq Qızıl Xaç Komitəsinin əməkdaşı Bayram Vəliyevin AzQAC Sumqayıt şəhər bölməsinin könüllüləri ilə görüşü keçirildi. Tədbiri giriş sözü ilə Azərbaycan Qızıl Aypara Cəmiyyətinin Sumqayıt şəhər bölməsinin sədri Mətanət Məhərrəmova açaraq könüllüləri salamlamış, tədbirin mahiyyəti haqqında iştirakcılara məlumat vermişdir. Bayram Vəliyev könüllülərə öz işgüzar təcrübəsindən, könüllülərin əsas vəzifələrindən “Beynəlxalq Qızıl Xaç və Qızıl Aypara Hərəkatı”nın yaranması tarixindən, mandat və missiyasından məlumat verdi. Digər mövzu isə humanitar fəaliyyətlərə ehtiyac olan sahəyə təhlükəsiz yetişmə və onun elementləri idi. Kontekst (əhatə dairəsi) və risklər haqqında fikir mübadiləsi aparıldı. İnteraktiv keçən görüşdə könüllüləri maraqlandıran suallar cavablandırıldı.