Bildiyimiz kimi 2023-cü il Ulu öndərin 100 illik yubileyi münasibəti ilə “Heydər Əliyev ili” elan olunmuşdu. Respublikanın bütün bölgələri kimi Sumqayıt şəhərində də idarə və müəssisələr tədbirlər keçirirlər. Bu gün keçirilən tədbir bu qəbildən olan, humanitar yardıma dəstək məqsədi ilə təşkil olunmuşdu. “Azertexnolayn MMC”nin Azərbaycan Qızıl Aypara Cəmiyyəti Sumqayıt şəhər bölməsinin qeydiyyatında olan ahıllara ərzaq sovqatları ilə görüşə gəlmişdilər. Bölmə sədri Mətanət Məhərrəmova ahılları salamlayaraq, Ulu Öndərin 100 illik yubileyi münasibəti ilə “Azertexnolayn MMC”nin humanitar dəstəyi barədə tədbir iştirakcılarını məlumatlandırdı. “Azertexnolayn MMC”nin məsul işcisi Rauf Kərimova söz verildi. O da öz növbəsində ahıllara xoş arzularını bildirdi. Daha sonra tədbirə dəvət olunan 40 ahıl ailələrinə ərzaq sovqatları təqdim olundu.