15 may 2023-cü ildə Avropa İttifaqı (Aİ) və Beynəlxalq Qızıl Xaç və Qızıl Aypara Cəmiyyətləri Federasiyasının (BQXQACF) dəstəyi ilə Azərbaycan Qızıl Aypara Cəmiyyətinin (AzQAC) rəhbərliyi və işçilərinin iştirakı ilə Psixi Sağlamlıq və Psixososial Dəstək (PSPSD) Potensialının Gücləndirilməsi mövzusunda Məsləhətləşmə Seminarı keçirildi.
Seminarın məqsədləri Azərbaycan Qızıl Aypara Cəmiyyətində (AzQAC) psixi sağlamlıq və psixososial dəstəyə (PSPSD) ehtiyaclar, o cümlədən böhran və fəlakətlərin fərdlərin və cəmiyyətin psixi sağlamlığına və rifahına təsiri barədə məlumatlılığı və anlayışı artırmaq, seminar zamanı səmərəli PSPSD xidmətlərini təmin etmək üçün AzQAC-nin imkanlarının nəzərdən keçirilməsinin nəticələri ilə bağlı məsləhətləşmələr aparmaq və onların cari cavabında hər hansı boşluqları və ya çətinlikləri seminar zamanı müəyyən etmək, PSPSD -in AzQAC-ın proqram və xidmətlərinə inteqrasiyası üçün fəaliyyət planını hazırlamaq , o cümlədən heyət və könüllülər üçün potensialın yaradılması, müvafiq maraqlı tərəflərlə tərəfdaşlığın gücləndirilməsi və PSPSD təşəbbüslərində icmanın cəlb edilməsi və iştirakının təşviqi.
Seminar AzQAC-ın Baş Katibi Ceyhun Mirzəyevin açılış nitqi ilə başladı, o, iştirakçıları salamladı və AzQAC-ın bu illər ərzində Psixi Sağlamlıq sahəsində gördüyü işlərdən bəhs etdi.
“İllər boyu Azərbaycan Qırmızı Aypara Cəmiyyəti Psixi Sağlamlıq sahəsində fəaliyyətləri ilə məşğul olub. Bu sahədə Milli Cəmiyyətin PSPSD proqram və fəaliyyətinin potensialını gücləndirmək məqsədi ilə BQXQACF-nin təşəbbüslərini görmək həqiqətən xoşdur. Ümid edirik ki, Milli Cəmiyyətin PSPSD potensialını inkişaf etdirərək humanitar missiyalarımıza ən yaxşı təcrübələri verməyə davam edəcəyik.”
– Baş katib, Ceyhun Mirzəyev.
AzQAC-ın vitse-prezidenti Qafar Əsgərzadə də öz fikirlərini əlavə etdi:
“Hərəkat daxilində belə bir seminarı görmək həqiqətən ruhlandırıcıdır. Bildiyiniz kimi, Azərbaycan Qızıl Aypara Cəmiyyətinin könüllüləri və əməkdaşları 2020-ci ildə Qarabağda münaqişənin kəskin zamanlarinda olduğu kimi, COVID-19 layihələrində də aktiv fəaliyyət göstərmişlər. Həmin illərdə könüllülərimiz və əməkdaşlarımız da bu sahədə fəaliyyət göstərərkən çox əziyyət çəkdilər. Ona görə də biz könüllülərimiz və əməkdaşlarımız üçün də PSPSD layihələri və tapşırıqları təşkil etməliyik. Humanitar əməliyyatlarda sağlam düşüncəli həmkarların olması bizim üçün vacibdir”.
Daha sonra PSPSD nümayəndəsi Alaa Alnasser (BQXQACF) və psixoloq Nigar Qədəşova (AzQAC) tədbir iştirakçılarını təqdim etdi və seminarın ümumi məqsədi və gözləntiləri haqqında məlumat verdi. Nigar Qədəşovanın “Psixi sağlamlıq və psixososial dəstək fəaliyyətinə giriş” adlı çıxışı zamanı iştirakçıların psixi sağlamlıq və psixososial dəstək haqqında bilikləri və müvafiq təcrübələri, habelə bunun onların işlərində nə qədər vacib ola biləcəyinə dair müzakirələr aparıldı və iştirakçıların psixi sağlamlıqla bağlı öz münasibətləri/inancları barədə tənqidi düşüncələri səsləndirildi.
Seminarın ikinci hissəsində Alaa Alnasser Təşkilatın potensialının İnkişaf imkanlarının müəyyən edilməsi haqqında ətraflı məlumat verərək təklif olunan PSPSD çərçivəsi və fəaliyyət planının təqdimatı, texniki-iqtisadi əsaslandırmasının müzakirəsi və növbəti addımları barəsində danışıldı.
Seminar iştirakçılarının aktiv fəallığı ilə Alaa Alnasser və Nigar Qədəşova PSPSD fəaliyyətləri, Təşkilati Bacarıqların Təhlili, təklif olunan PSPSD Çərçivəsi və Fəaliyyət Planı haqqında danışdılar.
Günün yekununda isə iştirakçıların rəyləri dinlənildi və yekun sözlərlə seminarın bağlanışı edildi.
