2016-cı il mart ayının 02-də    Bakı  Regional Mərkəzinə daxil olan bölmə sədrlərinin iştirakı ilə ilin yekununa həsr olunmuş iclas keçirilmişdir.

İclası giriş sözü ilə AzQAC-ın İdarə rəisi, vitse-prezident Əziz Qocayev açaraq, AzQAC-ın prezidenti Dr.Novruz Aslanovun salamlarını bölmə sədrlərinə çatdırmış, görülən və görüləcək işlər barədə məlumatlar vermişdir. Əziz  müəllim  öz  çıxışında  qeyd  etdi  ki,   Azərbaycan  Qızıl Aypara  Cəmiyyətinin prezidenti  Dr.Novruz Aslanovun əmrinə  əsasən Bakı RM-nin koordinatoru vəzifəsinə Rəna İbrahimova təyin edilib. Söz alan AzQAC Bakı RM-nin koordinatoru Rəna İbrahimova  AzQAC-ın prezidenti, millət vəkili Dr.Novruz Aslanova bu təyinat üçün minnətdarlığını bildirmiş və rəhbərliyi əmin etmişdir ki,  göstərilən etimadı layiqincə doğruldacaq, ona verilən tapşırıqları uğurla həyata keçirəcək. Bundan sonra, ayrı-ayrılıqda bölmə sədrlərinə söz verilmiş, onlar da öz növbələrində 2015-ci ildə gördükləri işlər barədə məlumat vermişdilər. Sonda  Azərbaycan  Qızıl Aypara  Cəmiyyətinin İdarə rəisi, vitse-prezident Əziz Qocayev hər bir rayon bölmə sədrlərinə 2016-cı ildə  görüləcək işlər barəsində müvafiq  tapşırıqlarını verdi.