1 Mart – Ümümdünya Mülki Müdafiə günü ilə bağlı  Binəqədi rayon  3 saylı tam orta məktəbdə  maarifləndirici tədbir  keçirildi.

Dövlət Yanğından Mühafizə İdarəsinin Binəqədi rayon hissəsinin,Binəqədi  rayon Təcili və Təxirəsalınmaz Tibbi Yardım Stansiyasının,  Qızıl Aypara Cəmiyyəti  Binəqədi rayon bölməsinin nümayəndələrinin iştirakı ilə keçirilən tədbiri məktəbin direktoru Natavan Əsədova açıq elan edərək tədbirin keçirilmə məqsədi barədə, ,şagirdləri maarifləndirmək, baş verə biləcək təbii fəlakət, yanğın və qəza   hadisələri zamanı düzgün təxliyə olunmasının vacibliyindən danışmışdır.

Çıxışlardan sonra məktəbin həyətində süni yanğın hadisəsi təşkil olundu və həyəcan siqnalı verildi. Növbətçi müəllimlərin köməyi ilə məktəbin şagird kontingenti 4 dəqiqə ərzində məktəb binasından təxliyə olundu. Təxliyə olunan andan şərti xilasetmə əməliyyatına başlandı. Əvvəlcə «112»  qaynar telefon xəttinə məlumat verildi.

Tədbirdə məktəb şagirdlərinin iştirakı ilə hadisə zamanı məktəb binasında qalan yaralılar həyətə çıxarıldılar. Onlara ilkin tibbi yardım göstərildi və təcili yardım maşınları ilə xəstəxanalara aparıldılar. Yanğın zamanı yanğınsöndürmə manqasının üzvləri tərəfindən yanğın lokalizə edilərək söndürüldü. Sonra orta məktəbin siniflərində maarifləndirici açıq dərslər keçirildi. Bu  dərslərdə şagirdlərə əyani vəsaitlər və video filmlər nümayiş olundu, onların fövqəladə hallarla bağlı bilikləri yoxlanıldı.