Dövlət Miqrasiya Xidməti Azərbaycan ərazisində müvəqqəti olan, habelə müvəqqəti və daimi yaşayan əcnəbilərin Azərbaycan Respublikası qanunvericiliyinin tələblərinə riayət etmələri üzərində miqrasiya sahəsinə nəzarəti həyata keçirir, mövcud qanunvericiliyin tələblərini pozmuş əcnəbilərin ölkə ərazisindən çıxarılması üçün müvafiq tədbirlər görür. Belə ki, Dövlət Miqrasiya Xidməti ilk gündən fəaliyyətini insan və vətəndaş hüquq və azadlıqlarına hörmət, qanunvüriciliyə ciddi riayət etmək və yüksək humanizm prinsipləri əsasında quraraq Daxili İşlər, Xarici İşlər, Milli Təhlükəsizlik, Əmək və Əhalinin Sosial Müdafiəsi nazirlikləri və digər aidiyyəti qurumlarla birlikdə fəaliyyət göstərir, miqrasiya sahəsində bu orqanların fəaliyyətini əlaqələndirir.
Ulu öndər Heydər Əliyev hələ o vaxtlar öz müdrikliyi və uzaqgörənliyi ilə miqrasiya prosesinin mahiyyətini açıqlayaraq deyib: “Miqrasiya təbii prosesdir, onun qarşısını almaq olmaz, almaq da lazım deyil və ümumən pozitiv xarakter daşıyır. Dünyada miqrasiya prosesi bütün ölkələrə, xalqlara aiddir”. Bu təbii prosesdə miqrantlara dəstək vermək, onların üzləşdiyi problemlərin həllində köməklik göstərmək çox vacibdir. Belə ki, Azərbaycan Qızıl Aypara Cəmiyyəti Beynəlxalq Qızıl Xaç/Aypara Cəmiyyətləri Federasiyanın miqrasiya sahəsində həyata keçirdiyi strategiyanı rəhbər tutaraq, ölkədə bu sahədə digər təşkilatlarla (UNCHR, “Hayat” Beynəlxalq Humanitar Təşkilatı, “YES Event Management” əməkdaşlıq edərək , miqrantlara mütəmadi olaraq, tibbi, humanital, psixo-sosial sahələrə dair tədbirlər həyata keçirir. Miqrantlara psixi sağlamlığa aid seminar növbəti tədbirlərdən biri idi. Seminar “İcmaya əsaslanan sağlamlıq” proqramı çərçivəsində təşkil olunmuşdur. İlk olaraq proqramın kordinatoru Mətanət Qaraxanova seminar iştirakçılarına Ümumdünya Səhiyyə Təşkilatının “Sağlamlıq” anlayışını açıqlayaraq, insanda həm fiziki və psixi sağlamlığın, sosial rifahın olması və insanların öz imkanlarını (potensialını) istifadə edərək, özünü idarə etmək qabiliyyətin olmasının vacibliyini vurğulamışdır. Sonra isə AzQAC-in psixo-sosial dəstək proqramının kordinatoru İsmayıl Atayev iştirakçılara psixi sağlamlığa dair (psixoloji gərginlik, stress, depressiya, psixoloji problemlər zamanı davranış və s.) məlumatları, müxtəlif misallarla çatdırmışdır. O, seminarda iştirak edən miqrantların əksəriyyətinin (yaşam durumu ilə əlaqədar) psixi sağalmlıqla bağlı narahat edən suallarını da cavablandırmışdır. Seminar boyunca iştirakçıların fəal olması üçün, seminar aparıcıları onlarla birgə müxtəlif tapşırıqlar edərək, həvəsləndirirdilər. Miqrantların psixi sağlamlığın qorunması üçün (əksəriyyəti psixi problemlərlə üzləşir), AzQAC-tərəfindən onlara psixo-sosial dəstəyin təşkili və bu kimi seminar, görüşlərin davamlı şəkildə aparılmasını nəzərdə tutulub. Seminarda AzQAC-in miqrasiya şöbəsinin əməkdaşı, miqrantlara azərbaycan dili öyrədən müəllim Sona Hacıyevanın təşəbbüsü ilə Novruz Bayramı xonçası hazırlandı. Sonda miqrantlarla birgə şəkil çəkildi. 
