Avstriya İnkişaf Agentliyi və Avstriya Qızıl Xaç Cəmiyyətinin dəstəyi ilə Azərbaycan Qızıl Aypara Cəmiyyəti tərəfindən 2012-ci ilin dekabr ayından etibarən “Təhlükəsiz və möhkəm icmaların qurulması” layihəsinin yerinə yetirilməsinə başlanmışdır. Bu 3 illik layihənin birinci ilində İsmayıllı və Qusar rayonlarının kəndlərində iş aparılmışdır.
2015-ci ildə layihə uğurla tamamlanmışdır. Tərəfdaşlar layihənin gedişatını yüksək giymətləndirlmiş və 2016-2018 “Təhlükəsiz və Möhkəm İcmaların Qurulması” layihəsinin davam etdirilməsi üçün dəstəyin vacibliyini qeyd etmişlər.
“Təhlükəsiz və möhkəm icmaların qurulması” layihəsi çərçivəsində 2017-ci il may ayının 26-da İsmayıllı rayonunun Təzəkənd kənd orta ümumtəhsil məktəbində, rayonun Mülki müdafiyə Planına uyğun olaraq, İsmayıllı rayon icra hakimiyyətin və Fövqəladə Hallar Nazirliyinin iştirakı ilə birgə Təxliyyə, Axtarış, Xilasetmə və İlk yardıma dair simulyasiya tədbiri keçirilmişdir.
Tədbiri giriş sözü ilə açan Cəmiyyətin vitse-prezidenti Qafar Əsgərzadə iştirakçıları AzQAC-ın prezidenti, Milli Məclisin deputatı cənab Novruz Aslanovun, Cəmiyyətin çoxsaylı üzvləri, könüllüləri və kollektivi adından salamlamışdır. Çıxışında keçiriləcək təlimin önəmindən bəhs etdi. Şagirdlərin fövqəladə hallar zamanı təhlükəsiz şəkildə təxliyyə edilməsinin vacibliyindən danışdı.
Simulyasiya planına uyğun olaraq şagirdlər həyəcan siqnalından sonra məktəb binasından təxliyyə edilmişdir. Xəsarət alan şagirdlərə ilk yardım göstərilmişdir. Onlara psixoloji dəstək göstərilmişdir. Binanı tərk edə bilməyən şagirdlər isə FHN-nin əməkdaşları tərəfindən xilas edilmişdir.
Təlimin sonunda ibtidai sinif şagirdlərinə hədiyyələr veilmişdir. Tədbirdə iştirak edən yuxarı sinif şagirdlərinə fərqləndiklərinə görə təşəkkürnamələr təqdim edilmişdir.
Tədbirdə AzQAC-ın rəhbərliyi, “Təhlükəsiz və möhkəm icmaların qurulması” layihəsinin Koordinatoru, AzQAC Sumgayit Regional Mərkəzinin Kordinatoru və onun rəhbərlik etdiyi Mobil Könüllü Dəstə, İsmayıllı Rayonun İcra Hakimiyyətinin, Fövqəladə Hallar Nazirliyinin, Daxili İşlər Nazirliyinin, Səhiyyə Nazirliyinin nümayəndələri, Avstriya Qızıl Xaç Cəmiyyətinin Gürcüstanda Regional Nümayəndəliyinin başçısı və Gürcüstan Qızıl Xaç Cəmiyyətinin əməkdaşları iştirak etmişlər.
Təlimin sonunda iştirakçılarla birlikdə xatirə şəkli çəkdirilmişdir.
