Artıq globallaşan dünyada ən aktual mövqedə duran məsələlərdən biri dünyada gedən qarışıq siyasi hadisələrin fonunda get-gedə artan miqrasiya hərəkati hər bir ölkədə olduğu kimi, Azərbaycanda da miqrasiya  diqqət mərkəzindədir. Azərbaycan Qızıl Aypara Cəmiyyətinin (AzQAC) ölkədə yaşayan xarici məcburi köçkün və əmək miqrantlarının ehtiyaclarını, onların yaşayış imkanlarını qiymətləndirmək  məqsədilə mütəmadi olaraq onlarla görüşüb qayğı göstərməsi  bir ən-ənə halını almışdır. Cəmiyyət tərəfindən təmənnasız olaraq təşkil olunmuş Azərbaycan dili kursunun miqrant müdavimləri bu fəaliyyətin əsas hədəf obyektidirlər.

Bu günlərdə təşəbbüskar ayparasevər vəkil Ceyhun Yusifov Miqrasiya şöbəsinin müəllimi Sona Hacıyevaya müraciət edərək

10 miqrant ailəsinə Ramazan ayının 10-cu günü münasibətilə ərzaq bağlaması hədiyyə etmək istədiyini bildirmişdi. Təklif Miqrasiya şöbəsinin müdiri Məmməd Kətanovla  müzakirə edilərək dəyərləndirildi və Baş ofisdə təşkil edən görüşdə bir qrup ayparaçının iştirakı ilə oruc tutan on miqrant ailəsinə təqdim edildi. Ailə üzvləri  Təşəbbüskar xeyriyyəçi Ceyhun müəllimə, təşkilatçı qismində Qızıl Aypara Cəmiyyətinə, Müqrasiya şöbəsinə təşəkkürlərini bildirdilər.

Qoy on bir ayın sultanı Ramazan ayında dərdə qalan, əldən tutan bütün insanları Allah öz mərhəmətindən kənar etməsin.Dərd paylaşdıqca azalır, sevinc paylaşdıqca çoxalır.Gəlin, həmsöhbət olaq, dərdə qalaq, hayan olaq.