Azərbaycan  Qızıl Aypara  Cəmiyyəti  ölkədə yaşayan xarici məcburi köçkün və əmək miqrantlarının ehtiyaclarını, onların yaşayış imkanlarını qiymətləndirmək ,  mütəmadi olaraq onlarla  görüşüb sorğular aparır və humanitar yardımlar edir. Bu fəaliyyətin əsas hədəf obyektiləri isə Cəmiyyət tərəfindən təmənnasız olaraq təşkil olunmuş Azərbaycan dili kursunun miqrant müdavimləridir.

2017 ci il iyul ayında Miqrasiya şöbəsinin əməkdaşı Sona Hacıyeva , İcmaya əsaslanan   Sağlamlıq və qayğı layihələrinin koordinatoru Mətanət Qaraxanova və AzQAC-nin digər əməkdaşları ilə xəstəsi və ehtiyacı olan, 7 nəfərlik bir əfqan ailəsinə evində baş çəkmişlər.Onu qeyd edək ki, belə görüşlər bu ayparaçılar və könüllülər tərəfindən artıq  bir ənənə halına çevrilmişdir.Milli Cəmiyyət tərəfindən təşkil edilmiş ərzaq bağlaması  ilə  Adli ailəsini sevindirən ayparaçılar onların problemlərinə azacıq da olsa dəstək olaraq onların sıxıntılarına şərik olmuşlar.

Miqrant ailəsi bu görüşdən çox məmnun qaldı, Azərbaycan Qızıl Aypara Cəmiyyətinə onlara göstərdiyi bu diqqət və qayğıya görə təşəkkürlər etdilər.