16 Aprel tarixində Azərbaycan Qızıl Aypara Cəmiyyətinin prezidenti Novruz Aslanovun başçılıq etdiyi nümayəndə heyəti İcraçı Katib Ceyhun Mirzəyev və İcraçı Katib müavin Səbinə Məhbubi İran olmaqla, Beynəlxalq Qızıl Xaç Komitəsindən Bakı nümayəndəliyin başçısı Elena Aymone Sissera, Koperasiya Proqramının rəhbəri Əziz Şah Abdul və Beynəlxalq Qızıl Xaç və Qızıl Aypara Cəmiyyətləri Federasiyasının Qafqaz ölkələri üzrə yeni təyin olunmuş nümayəndəliyin başçısı Max Santnerin iştirakı ilə üçtərəfli görüş baş tutmuşdur.
Görüşün əvvəlində Cəmiyyətin prezident Dr.Novruz Aslanov qonaqları salamlayaraq son görüşdən bəri aparılan fəaliyyəti, Hərəkatın hər iki təşkilatları- BQXK və Beynəlxalq Federasiya ilə olan əməkdaşlıq münasibətlərini və dəstəyi yüksək qiymətləndirərək görüşün uğurla və nəticəli keçməsinə ümid bəslədi.
Görüşdə tərəflər arasında son görüşdən bəri aparılan qarşılıqlı və birgə fəaliyyətlər (Fövqəladə Hallarda fəaliyyət göstərən Mobil Komandaların yaranması və təlimatlandırılması, Yaxşı İnkişaf etmiş Milli Cəmiyyətlər adlı seminarın keçirilməsi, Milli Cəmiyyət daxili Fövqəladə Hallar sisteminin yaxşılaşdırılması üzrə layihənin tərtib olunması və s.), gələcək planlar, FH zamanı irəli sürüləcək Davamlılıq Planının hazırlanması, Hərəkat Daxili Koperasiya və Kordinasiya əsas müzakirə mövzuları olmuşdur.
BQXK-nin Bakıdakı nümayəndəliyinin başçısı Elena Aymone Sissera və Federasiyanın Qafqaz üzrə nümayəndəliyinin başçısı Max Santner gündəlikdə qeyd olunan məsələlər üzrə fikirlərini, təkliflərini bildirərk Milli Cəmiyyətinin Prezidenti Novruz Aslanova görüşün mümkün olduğuna görə təşəkkürlərinin bildirdilər və yaxın gələcəkdə aparılacaq fəaliyyətlərin və yeni təşəbbüslərin həyata keçirilməsində dəstək göstərməklərinin hazır olduqlarını bildirdilər.
Aktiv müzakirələrin nəticəsi olaraq görüşün sonunda İşçi Qrupun yaradılması və növbəti görüşün qarşı təşkilatın nümayəndəsi tərəfindən idarə olunması təklif edilmişdir. Novbəti görüş 2018 ci ilin Avqust ayına planlaşdırıldı.
