8 sentyabr 2018-ci il tarixində “Azərikimya” İstehsalat Birliyinin təşkilatçılığı ilə komandalararası turizm yarışı keçirilmişdir. Bununla da “Azərikimya” İstehsalat Birliyində 20 Sentrabr Neftçilər gününə həsr olunmuş və keçirilməsi planlaşdıırılan silsilə tədbirlərə start verilmişdir.
Siyəzən rayonunun “Qalaaltı” istirahət mərkəzində keçirilən turizm yarışında “Azərikimya” İstehsalat Birliyinin idarəetmə aparatının, “Etilen-polietilen” zavodunun, “Azəriqaz” İstehsalat Birliyinin, Ə.C.Əmirov adına NQÇİ-nin, Bibiheybət NQÇİ-nin, Sumqayıt Regional Mədəniyyət İdarəsinin, Sumqayıt şəhər Təhsil şöbəsinin, Sumqayıt şəhər Mərkəzləşdirilmiş kitabxanalar sisteminin, YAP Sumqayıt şəhər təşkilatının və Qızıl Aypara Cəmiyyəti Sumqayıt şəhər bölməsinin komandaları da daxil olmaqla 10 komanda iştirak etmişdir.
Maraqlı və gərgin idman mübarizəsi şəraitində keçən yarışlarda komandanın üzvləri daşların üzəri ilə yerimə, kəndirlə dərəyə enmə və qalxma, kəndirlə uzununa tullanma, kanatla dərəni keçmə, iplərə toxunmadan müəyyən maneələrin arasından keçmək kimi əməliyyatları yerinə yetirmişlər.
Yarışların nəticələrinə əsasən “Azərikimya” İstehsalat Birliyinin komandası birinci yerə, Ə.C.Əmirov adına NQÇİ komandası ikinci yerə, “Etilen-polietilen” zavodunun komandası isə üçüncü yerə layiq görülmüşdür.
Qalib komandalara diplomlar və hədiyyələr təqdim olunmuşdur.
Начало формы
