Hər il Dünyada 18 Dekabr Beynlxalq Miqrant günü qeyd edilir. Globallaşan dünyanın önəmli, aktual məsələlərindən olan miqrasiya həmişə Azərbaycan Qızıl Aypara cəmiyyətin üzvlərinin diqqət mərkəzindədir. Son illər AzQAC-ti Sabunçu Rayon Böməsi tərəfindən miqrant günü ilə əlaqədar uşaqlar üçün əhləncəli tədbirlərin təşkil edilməsi ənənəyə çevrilib. Belə ki, Beynəlxalq Miqrant günü münasibətilə Azərbaycan Qızıl Aypara Cəmiyyətinin Sabunçu rayon bölməsi, Miqrasiya və Sağlamlıq şöbələri və Sabunçu rayon üzrə Qadınlar Cəmiyyətinin fəal iştirakı və dəstəyilə Azərbaycan dili kursunun miqrant uşaqları üçün Yeni il şənliyi təşkil olundu. Tədbirdə AzQAC-in Sabunçu rayon Bölməsinin könüllüləri uşaqlar üçün xüsusi proqram hazırlamışlar. Uşaqlar üçün tədbirin keçirdiyi məkanda, Əyləncə Mərkəzində, nahar süfrəsi təşkil edildi. Uşaqlar burada oyunlar oyunayıb, musigi sədaları altında rəqs edib, mahnı oxuyub, şənləndilər. Məclisə dəvət edilmiş ənənəvi Şaxta Baba hazırlanan hədiyyə paketlərini uşaqlara təqdim edərək, onların Yeni ilini təbrik etdi. Keçirilən aksiya valideynlər tərəfindən çox razılıqla qarşılandı. Aypara Cəmiyyətinin Sabunçu rayon bölməsinin sədri Elmira Məlikova və üzvlər, Miqrasiya şöbəsinin Azərbaycan dili müəllimi Sona Hacıyeva, Qızıl Aypara Cəmiyyətinin “İcmaya əsaslanan Sağlamlıq” Proqramının korodinatoru Mətanət Qaraxanova, Sabunçu Rayonu üzrə Qadınlar Cəmiyyətinin sədri Həbibə Əliyeva tədbirdə iştirak etdilər.
