29 iyul 2019-ci il tarixində Binəqədi Rayon Gənclər Evində Azərbaycan Qızıl Aypara Cəmiyyəti, İnkişafa Doğru Qadın Təşəbbüsü Təşkilatının birgə təşkilatçılığı ilə 28 İyul – Ümumdünya Hepatitlə mübarizə Gününə həsr olunmuş “Virus hepatitlərinin aradan qaldırılması üçün resursları səfərbər edin” şüarı altında maarifləndirici tədbir keçirildi. Tədbirdə Binəqədi içtimayyəti, gənclər, Azərbaycan TB-Koalisiyası, AzQAC-in Bakı Rayon Bölmələrinin (Sabunçu, Suraxanı, Nəsimi, Binəqədi), nümayəndələri iştirak etmişlər. Tədbiri giriş sözü ilə açan Binəqədi Rayon Gənclər Evinin sosial xidmət müəssisəsinin direktoru Ələkbər Mustafayev əməkdaşlıq çərçivəsində, aktual mövzuya həsr edilən tədbir iştirakçılarının məlumatlanma baxımından vacibliyini vurğulayaraq, bu kimi maarifləndirici tədbirlərin davamlı şəkildə həyata keçirilməsi arzusunu səsləndirmişdi. ,

Tədbirdə AzQAC-ın  İcraçı Katibinin müavini Səbinə Məhbubi-iran, “İcmaya əsaslanan sağlamlıq” proqramının kordinatoru Mətanət Qaraxanova tərəfindən Ümumdünya Səhiyyə Təşkilatının verdiyi məlumatlara əsasən hepatitləri törədən viruslar (A, B, C, D vəd.), xroniki  hepatit xəstəliyinin qara ciyər serrozu, qara ciyərin xərçəngi və qara ciyər çatışmazlığı kimi vəziyyətlərlə nəticələnməsini,  virus B cə C tək tibbi müayinə zamanı deyil, eləcə də cinsi əlaqələr, eyni tibbi ləvazimatlardan istifadə və qan köçürmə zamanı yoluxmaq mümkünlüyü ilə əlaqədar məlumatlar barədə hazırlanan təqdimat  diqqətə çatdırılmışdı. “İnkişafa Doğru Qadın Təşəbbüsü” İctimai Birliyinin rəhbəri, AzRespublikası Səhiyyə Nazirliyi nəzdində İçtimai Şuranın sədr müavini Ziba Nəbiyeva isə tədbir iştirakçılarına Azərbaycanda virus hepatitlərə dair vəziyyət, dövlət tərəfindən həyata keçirilən fəaliyyətlər və perspektivlər barədə məlumatları çatdırmışdı. Sonda iştirakçılara hepatitlər barədə əldə edən məlumatlarla paylaşmaq, vaxtında testlərdən keçmək,  tövsiyyə olundu və hepatitlərə dair informasiya vərəqələri paylanıldı.