Sumqayıt şəhər Gənclər və İdman Baş İdarəsinin və Azərbaycan Qızıl Aypara Cəmiyyətinin Sumqayıt şəhər bölməsinin birgə təşkilatçılığı ilə 12 sentyabr 2019-cu il tarixində Gənclər Evində“Ümumdünya İlk Yardım günü” münasibətilə “İlk Yardım” mövzusunda təlim keçirildi. Tədbirdə çıxış edən Baş İdarənin əməkdaşı Pərvin Rəsulov seminarın “Azərbaycan gəncliyi 2017–2021-ci illərdə” Dövlət Proqramından irəli gələn vəzifələrin icrası, gənclərin ətrafda baş verə biləcək fövqəladə və bədbəxt hadisələr zamanı ilk yardımın göstərilməsi ilə bağlı biliklərinin artırılması məqsədilə keçirildiyini qeyd etdi. Təlim Fövqaladə Mobil Könüllü Dəstənin üzvləri İxtiyar Quliyev,Nərmin Əliyeva və Zeynəb Əliyeva tərəfindən keçirildi.Təlimdə iştirakçılara,huşsuz nəfəs alan və bərpa vəziyyəti,tənəffüs yollarının tutulması,qanaxma,sınıqlar,yaralar və yanıqlar mövzusu ətrafında geniş məlumat verılmiş və praktiki olaraq göstərilmişdı.Gəncləri maraqlandıran suallar cavablandırıldı və sonda maarifləndirici bukletlər paylanıldı.