Azərbaycan Qızıl Aypara Cəmiyyətinin dəvəti ilə Beynəlxalq Qızıl Xaç və Qızıl Aypara Federasiyasının (BQX/QAC) Avropa və Asiya zonası üzrə Vitse-prezidenti, Türkiyə Qızıl Aypara Cəmiyyətinin prezidenti Kərəm Kınıkın başçılıq etdiyi 4 nəfərdən ibarət nümayəndə heyəti AzQAC-ın Baş ofisində Cəmiyyətin prezidenti, Milli Məclisin deputatı Novruz Aslanovla görüşüb.
Görüşü AzQAC-ın çoxsaylı üzvləri, könüllüləri və kollektivi adından salamlayaraq açan Novruz Aslanov iki Cəmiyyət arasında dostluq və əməkdaşlıq əlaqələrinin qədimliyindən söhbət açdı. Türkiyə Qızıl Ay cəmiyyəti ilə AzQAC arasında ikitərəfli əlaqələr hələ 1992-ci ildən başlamışdır. 1993-cü ildə Bərdə və Ağcabədi rayonlarında Türkiyə Qızıl Ay Cəmiyyəti tərəfindən məcburi köçkünlər üçün çadır şəhərciyi salınmış, 10 il müddətində bütün xərclər bu cəmiyyətin üzərində olmuşdur.
Prezident çıxışında iki təşkilat arasında əməkdaşlıq, tərəfdaşlıq, qardaşlıq əlaqələrinin getdikcə daha da genişlənməkdə, güclənməkdə olduğunu xüsusi vurğulamışdır. Kərəm Kınıkın Federasiyanın vitse-prezidenti seçilməsindən sonra Azərbaycanın cəbhəyanı bölgələrinə səfər etməsinin çox xoş təəsürat bağışladığını bildirdi.
Daha sonra söz Türkiyə Qızıl Ayparasının prezidenti Kərəm Kınık çıxışı zamanı Azərbaycana səfərinin onda olan xoş təəsüratlarını iştirakçılarla bölüşdü. Bir millət iki dövlət prinsipləri əsasında qurulan əməkdaşlıq və dostluq əlaqələrinin hər iki Milli Cəmiyyətin fəaliyyət istiqamətlərinin inkişafındakı rolundan danışdı. Bütün Azərbaycanda AzQAC-ın çox nüfüzlu olmasından bəhs etdi. İnsanların AzQAC-ın loqosunu gördükdə üzlərindəki sevincin nə qədər səmimi olduğundan danışdı.
Görüşün sonunda qarşılıqlı xatirə hədiyyələri təqdim edildi, xatirə şəkli çəkdirildi.
Sonra qonaqlar Fəxri Xiyabanı ziyarət edərək Ulu Öndər Heydər Əliyevin məzarına əklil və gül dəstələri qoydular. Ruhuna dualar oxudular. Səfərin davamı olaraq, həmçinin, Şəhidlər Xiyabanı və Azərbaycan torpaqlarıınn azadlığı və bütövlüyü uğrunda şəhid olmuş türk əsgərlərinin xatirəsinə ucaldılmış abidə ziyarət edildi. Məzarları üzərinə gül dəsətləri qoyuldu.
Daha sonra Azərbaycan Respublikası Baş nazirinin müavini cənab Əli Əhmədovla görüş keçirildi. Görüşdə iki qardaş dövlətin arasındakı həm dostluq həm də qardaşlıq əlaqələri. Beynəlxalq Qızıl Xaç və Qızıl Aypara Cəmiyyətləri Federasiyası ilə AzQAC-ın, həmçinin, Türkiyə Qızıl Aypara Cəmiyyəti ilə əməkdaşlıq, gələcək perpektivlər və s. məsələlər müzakirə edildi.
