29.11.2019-cu il tarixində FMKD-nin könüllüləri tərəfindən 11 sayı orta məktəbdə İlk yardım üzrə təlim keçirildi.Tədbirdə BQXK-nin məsul işçisi Rasim Allazov ,Az.QAC-ın proqram koordinatoru Nigar Rüstəmzadə iştirak edirdi.Tədbiri giriş sözü ilə bölmənin sədri Mətanət Məhərrəmova açaraq dinləyiciləri və qonaqları salamlayıb,təlimin vacibliyi haqqında məlumat verdi.Fövqəladə Mobil Könüllü Dəstənin bir qrup üzvləri iştirakçılara,huşsuz nəfəs alan və bərpa vəziyyəti,tənəffüs yollarının tutulması,qanaxma,sınıqlar,yaralar və yanıqlar mövzusu ətrafında geniş məlumat verılib və praktiki olaraq göstərildi.Şagirdləri maraqlandıran suallar cavablandırıldı. Tədbirin sonunda bölmə sədri Mətanət Məhərrəmova tədbirin keçirilməsində yaratdığı şəraitə görə məktəbin direktoru İlahə Həsənliyə kollektiv adından minnətdarlığını bildirdi. Sonda xatirə şəkli çəkildi.