Dağlıq Qarabağda və ətraf rayonlarda mövcud vəziyyətdə qarşı tərəfdən mülki əhaliyə qarşı törədilən təxribatlardan zərər çəkmiş əhaliyə müvafiq humanitar yardımların göstərilməsi məqsədilə, Türkiyə Qızıl Ay Cəmiyyətinin təşəbbüsü ilə Azərbaycan Qızıl Aypara Cəmiyyətinə yataq və mətbəx dəstləri, çadırlar və digər zəruri ləvazimatlar göndərilib.Bu gün oktyabrın 14-də humanitar yük Milli Cəmiyyətə təhvil verildi.
Bü münasibətlə düzənlənən tədbiri giriş sözü ilə açan Cəmiyyətin vitse-prezidenti Qafar Əsgərzadə iştirakçıları AzQAC-ın prezidenti, Milli Məclisin deputatı Novruz Aslanov başda olmaqla Cəmiyyətin kollektivi,üzvləri və çoxsaylı könüllüləri adından salamladı. Vitse-prezident çıxışında Türk Qızıl Ay tərəfindən göndərilən humanitar yük karvanının Azərbaycana çatdırılmasından məmnunluq hissi duyduğunu qeyd etdi. Hazırda cəbhəyanı ərazilərdə hadisələrdən zərərçəkən ailələrin ehtiyaclarının qiymətləndirilməsi prosesinin getdiyini,ehtiyaca uyğun olaraq lazımi ləvazimatların və zəruri yardımların zərərçəkən mülki əhaliyə göndəriləcəyini vurğuladı.Bununla yanaşı, AzQAC ilə Türkiyə Qızıl Ay Cəmiyyəti arasında mövcud olan möhkəm dostluq, qardaşlıq və əməkdaşlıq əlaqələrindən söz açan natiq göstərilən bu yardımlara görə AzQAC-ın prezidenti Novruz Aslanovun təşəkkürünü ifadə etdi.
Daha sonra çıxış edən Türkiyə Cumhuriyyətinin Azərbaycandakı fövqəladə və səlahiyyətli səfiri Erkan Özoral Türkiyə Qızıl Ay Cəmiyyətinin daim AzQAC-ın yanında olduğunu və humanitar sahədə əllərindən gələn dəstəyin bundan sonra da davam etdiriləcəyini söylədi. Son günlərdəki məlum hadisələrdə əsasən, mülki əhalinin zərər çəkdiyini xüsusi vurğulayan səfir buyardımınümumilikdə Türkiyənin Azərbaycana olan dəstəyinin ardı olduğunu qeyd etdi.
Türkiyə Qızıl Ay Cəmiyyətinin beynəlxalq əlaqələr şöbəsinin müdiri Kaan Soner çıxışında təmsil etdiyi Cəmiyyətin humanitar missiyada hər zaman AzQAC-ın yanında olduğunu və yardımların bundan sonra da davam etdiriləcəyini bildirdi. Eyni zamanda, yardımların sabahdan etibarən paylanılmasının təşkilindən söz açdı.
