Bu gün dünyada olduğu kimi Azərbaycanda da miqrasiya sahəsinə həm dövlətin, həm də qeyri dövlət sektorunun fəal qayğısı göz qabağındadır. AzQAC rayon bölmələri vasitəsi və Beynəlxalq Miqrasiya Təşkilatı ilə birgə Azərbaycanın bütün məktəb və ali təhsil ocaqlarında miqrasiya ilə bağlı geniş təbliğat yönümlü tədbirləri həyata keçirir.
Bu günlə bağlı AzQAC (Regional Mərkəz və Rayon Bölmələri vasitəsilə) “Həyat” Humanitar Dəstək içtimai Birliyi ilə birgə Bakıda Sabunçu rayonu Bakıxanov qəsəbəsində yerləşən Gənclər Evində uşaq və yeniyetmələr arasında (miqrantlar da daxil olmaqla) “Mərhəmətlə dolu aləm” adlı rəsm müsabiqəsi keçirdi.
AzQAC miqrasiya şöbəsinin müdiri Məmməd Kətanov tədbiri açaraq iştirakçıları salamladı və bildirdi ki,bu tədbir uşaqlarda mərhəmət, xeyirxahlıq və humanistliyi tərbiyə etmək, çətin həyat şəraiti olan uşaqların cəmiyyətə inteqrasiyasına dəstək olmaq məqsədi güdür və əsas dəstəkçi olan AzQAC başda bölmənin sədri Elmira Məlikova olmaqla Sabunçu rayon bölməsinə aktiv təşkilati işə görə təşəkkür etdi.
“Həyat”Humanitar Dəstək içtimai Birliyinin sədri Azər Allahverənov son illər miqrantlarla maraqlanan təşkilat və qurumların sayının azalması baxımından bu tədbirin mühüm əhəmiyyət daşıdığını vurğulayaraq tədbirin təşəbbüskarı AzQAC əməkdaşlarına minnətdarlığını bildirdi. O gələcəkdə də AzQAC-ın müvafiq şöbələri ilə sıx əməkdaşlığa hazır olduqlarını söylədi.Qadın və Gənclər Mərkəzinin rəhbəri Zəminə Səfərova da tədbirin dünya Miqrant Günü ilə səsləşməsini önə çəkərək müsabiqənin miqrant uşaqlarının cəmiyyətə inteqrasiyasında mühüm rol oynayacağını bildirdi.
Uşaqlarda mərhəmət, xeyirxahlıq və humanist xüsusiyyətləri tərbiyə etməyin böyüklərin vəzifəsi olmasına diqqət çəkən AzQAC-in İcmaya əsaslanan sağlamlıq” proqramının rəhbəri Mətanət Qaraxanova bildirdi ki, adı çəkilən rəsm müsabiqəsində iştirak edən 50 nəfər uşaq və yeniyetmə xeyirxahlığı, mərhəmətliyi və humanistliyi əks etdirən öz rəsm işlərini təqdim etmişlər. Rəsmlər Azərbaycan Rəssamlar İttifaqının üzvü, Beynəlxalq Karikaturaçılar Assosiasiyasının üzvü rəssam Nailə Salmanova tərəfindən qiymətləndirilmişdir. 1, 2, 3 yerin qalibləri xüsusi Təşəkkürnamələr və kiçik hədiyyələrlə təltif edildi. Qalan iştirakçılara da Təşəkkürnamələr təqdim olundu.
Tədbirdə Azərbaycan Sabunçu rayonu Gənclər və Idman Idarəsi, AzQAC Gənclər və Könüllülər şöbəsinin müdiri, İcraçı Katibin müavini Xalidə İskəndərova, Miqrasiya şöbəsinin təhsil üzrə əməkdaşı Sona Hacıyeva, Binəqədi, Sabunçu, Nəsimi, Xətai, Suraxanı Rayon bölmə sədrləri, 1 saylı Ruhi Xəstəxananın Reabilitasiya şöbəsinin xəstələrindən ibarət həvəskar teatr qrupu, könüllülər, miqrant uşaqlar və valideynlər iştirak edirdilər.
Tədbirdə iştirakçılar üçün çay süfrəsi və konsert proqramı da təşkil olunmuşdu
