17 dekabr 2015-ci il tarixində Azərbaycan Qızıl Aypara Cəmiyyəti Niderland Krallığının Azərbaycandakı səfirliyi ilə əməkdaşlıq çərçivəsində Qazax rayonunun Böyük Cəfərli kəndində “Mina Risklərinin Azaldılması” strategiyasına aid ənənəvi layihəsi olan “Təhlükəsiz Oyun Meydançası” nın rəsmi açılış mərasimini gerçəkləşdirmişdir.
2005-ci ildən başlayaraq Azərbaycan Respublikasının qərb bölgəsində yerləşən rayonların, vaxtilə qızğın döyüş meydanı olmuş indi isə soydaşlarımızın məskunlaşdığı əraziləinrdə (kəndlərdə, icmalarda) uşaqları mövcud olan mina və müharibənin partlayıcı qalıqları (MPQ) ilə rastlaşma risklərindən qorumaq məqsədini daşıyan “Təhlükəsiz Oyun Meydançaları” layihəsi Azərbaycan Qızıl Aypara Cəmiyyəti tərəfindən həyata keçirilir. Layihənin Azərbaycanda önəmli humanitar addım kimi Milli Qızıl Aypara Cəmiyyəti tərəfindən həyata keçirilməsinin əsas təşəbbüskarı və dəstəkçisi Beynəlxalq Qızıl Xaç Komitəsi olmuşdur. Layihənin yaranması və həyata keçirilməsi üçün əsas səbəb Azərbaycanda minadan /MPQ dən ölən və yaralananların statistikasında uşaqların sayının həddən artıq çox olması olmuşdur. Belə ki, 2005-ci ildə ANAMAnın (Azərbaycan Ərazilərinin Minalardan Təmizlənməsi Üzrə Milli Agentlik) rəsmi statistikasında minadan ölən və zərərçəkənlərin ümumi sayında ümumilikdə 59 nəfərdən 33 nəfəri uşaq kimi qeydə alınmışdır. Bu kimi dəhşətli göstəricilər Azərbaycan Qızıl Aypara Cəmiyyəti və Beynəlxalq Qızıl Xaç Komitəsinə “Mina Risklərinin Azaldılması” strategiyası üzrə “Təhlükəsiz Oyun Meydançaları” layihəsinin həyata keçirilməsinə zəmin yaratmışdır. Layihənin həyata keçirilməsini ANAMA əhəmiyyətli hesab edərək daim Azərbaycan Qızıl Aypara Cəmiyyətinə bu sahədə öz dəstəyini vermişdir.
2005-2015-ci illər ərzində ümumilikdə Qazax, Ağstafa, Tovuz, Gədəbəy, Göygöl, Goranboy, Tərtər, Ağdam, Ağcabədi və Füzuli rayonlarından 57 kənddə Azərbaycan Qızıl Aypara Cəmiyyəti tərəfindən “Təhlükəsiz Oyun Meydançası” layihəsi quraşdırılaraq uşaqların istifadəsinə verilmiş və bununla da uşaqların mina və MPQ ilə rastlaşma risklərinin qarşısı qismən də olsa alınmışdır. Qeyd etməliyik ki, bu illər ərzində quraşdırılmış bu 56 meydança Azərbaycan Qızıl Aypara Cəmiyyəti və müxtəlif tərəfdaşlarla həyata keçirilmişdir. Bu tərəfdaşlar Norveç Qızıl Xaç Cəmiyyəti, Beynəlxalq Qızıl Xaç Komitəsi, Beynəlxalq Olimpiya Komitəsi, “HOMS” təşkilatı (Heads Of Missions Spouses – Azərbaycanda fəaliyyət göstərən diplomatik korpusun rəhbərlərinin xanımları təşkilatı), Trans Global Projects LTD, Almaniya Qızıl Xaç Cəmiyyəti olmuşdur.
Mina / MPQ problemlərinin bir çox cəbhəyanı kəndlərdə hələ də mövcudluğunu və uşaqlar üçün bu İs
Istiqamətdə hələdə risklərin olmasını nəzərə alaraq Azərbaycan Qızıl Aypara Cəmiyyəti artıq eksperti olduğu “Mina Risklərinin Azaldılması” startegiyası çərçivəsində olan “Təhlükəsiz Oyun Meydançaları” layihəsini davam etdirməkdədir. 2015-ci ilin oktyabr ayında Azərbaycan Qızıl Aypara Cəmiyyəti Niderland Krallığının Azərbaycandakı səfirliyinin ianə etdiyi maliyyəni ilə birgə olaraq “Təhlükəsiz Oyun Meydançası” layihəsinin tikintisinə sərf etmişdir.
Artıq 2015-ci ilin dekabr ayında 1 cəbhəyanı icmada tikilmiş “Təhlükəsiz Oyun Meydançası” layihəsi hazır olmuş və kənd uşaqlarının istifadəsinə verilməsi üçün rəsmi aşılış mərasimini qeyd etmişdir. Bu münasibətlə həyata keçirilən rəsmi açılış mərasimlərində AzQAC-nin İcraçı Katibi Bayram Vəliyev, bu layihənin koordinatoru Məmməd Kətanov, Niderland Krallığının Azərbaycandakı səfiri Cənab Robber J.Gobriёlse, səfirin xanımı, HOMS təşkilatının üzvü xanım Ursula Cehner, səfirin müşaviri cənab Casper van Vlokhoven, rayon icra hakimiyyəti başçısının 1-ci müavini Fərman Nağdəliyev, AzQAC-nin Gəncə Regional Mərkəzinin koordinatoru İsmail Əsədov, Miqrasiya şöbəsinin əməkdaşı Sona Hacıyeva, Qazax rayon bölməsinin sədri Qurban Qurbanlı. kənd icma rəhbərləri, kənd məktəb direktoru, müəllim və şagird kollektivləri, kənd ziyalıları və ən əsas kənd uşaqları iştirak edirdilər. Açılış mərasimində uşaqlar öz sevinclərini açıq büruzə verərək onlar üçün inşa edilmiş bu gözəl meydançanın qurğularından istifadə etdilər . Bu simvolik açılış mərasimində çıxış edən rayon rəhbərliyindən olan rəsmilər və kənd icma üzvləri belə əhəmiyyətli layihə üçün Azərbaycan Qızıl Aypara Cəmiyyətinə və bu layihədə ona dəstək vermiş Niderland Krallığının Azərbaycandakı səfirliyinə təşəkkür etdilər.
Çıxışlardan sonra Azərbaycan Qızıl Aypara Cəmiyyəti və kənd rəhbərliyi arasında “Təhlükəsiz Oyun Meydançanın” nın kəndə təhvil verilməsi haqda xüsusi hazırlanmış müqavilə imzalanaraq meydançanın qapısında simvolik bağlanmış qirmızı lent kəsildi. Meydança rəsmən icma uşaqlarının istifadəsinə verildi.
Tədbirdə Niderland Krallığı səfirliyinin və HOMS təşkilatı üzvlərinin məktəb uşaqlarına gətirdiyi xeyli sayda məktəb ləvazımatı və geyim əşyaları məktəb rəhbərliyinə və Qazax rayon bölməsinə təqdim edildi. Qazax rayon bölməsi və icra nümayəndəliyi tərəfindən cənab səfirə Azərbaycan milli musiqi aləti olan Saz və məşhur Qazax Dilboz atlarının təcəssümü olaraq stolüstü at fiquru bağışlandı.
Azərbaycan Qızıl Aypara Cəmiyyəti də öz növbəsində belə gözəl humanitar layihəyə yönəltdiyi maliyyə ianəsini təqdim etdiyinə görə Niderland Krallığının Azərbaycandakı səfirliyinə təşəkkür edir. və bu əməkdaşlığın uğurlu və davamlı gələcəyinə ümüd edir
