Sumqayıt şəhər Gənclər və İdman Baş İdarəsi, Qızıl Aypara Cəmiyyətinin Sumqayıt şəhər bölməsi və 1 saylı Sumqayıt Regional ASAN Xidmət Mərkəzinin birgə təşkilatçılığı ilə 5 may 2023-cü il tarixində Ümummilli lider Heydər Əliyevin 100 illik yubileyinə həsr edilmiş dəyirmi masa təşkil edilmişdir. Əvvəlcə tədbir iştirakçıları Ulu Öndərin abidəsini ziyarət edərək önünə gül dəstələri düzmüşlər. Dəyirmi masa ətrafında davam edən tədbirdə Ümummilli Lider Heydər Əliyevin əziz xatirəsi bir dəqiqəlik sükutla yad edilmişdir. Tədbirdə çıxış edənlər Sumqayıt şəhər Gənclər və İdman Baş İdarəsinin rəisi Elgün Hümbətov, Qızıl Aypara Cəmiyyəti Sumqayıt şəhər bölməsinin sədri Mətanət Məhərrəmova və 1 saylı Sumqayıt Regional “ASAN Xidmət” Mərkəzinin direktor müavini Əjdər Quluzadə əsası  Ulu Öndər Heydər Əliyev tərəfindən qoyulmuş dövlət gənclər siyasətindən, onun gənc nəslə olan diqqət və qayğısından danışmışlar.