S.Vurğun adınna Mərkəzi Kitabxananın Uşaq Şöbəsinin təşəbbüsü, AzQAC-nin Sumqayıt şəhər bölməsinin  xətti ilə “Sevgiylə paylaşaq “ adlı xeyriyyə tədbiri keçirildi. Tədbirdə AzQAC Sumqayıt bölməsinin sədri Mətanət Məhərrəmova, yazıçı-ssenarist Hafiz İmamnəzərli, S.Vurğun adına Mərkəzi kitabxananın Uşaq Şöbəsinin müdiri Yeganə Hüseynova və böyük kitabxanaçı Zübeydə Məmmədova çlxış edərək bildirmişdilər ki, xeyirxahlıq, mərhəmət və humanizm insanı daxilən saflaşdıraraq başqalarının gözündə ucaldan, insanlığın zinətinə çevrilən ali dəyərlərdən sayılır. Yıxılanı ayağa qaldırmaq, kimsəsizə əl tutmaq, ehtiyacı olana yardım etmək eyni zamanda Azərbaycan xalqının tapındığı yüksək milli-mənəvi, dini dəyərlərdən irəli gəlir. Qonaqlar cay süfrəsi ətrafında ahıllarla söhbət aparılaraq,onların problemləri ilə tanış oldular.AzQAC Sumqayıt şəhər bölməsinin sədri Mətanət Məhərrəmova belə xeyirxah tədbirə vəsilə olduqları ücün Səməd Vurgun adına Mərkəzi Kitabxananın Uşaq şöbəsinin əməkdaşlarına öz adından və ahıllar adından təşəkkürünü bildirərək,belə tədbirin digər idarə və təşkilatlara da örnək olacağından əminliyini bildirdi. Sumqayıtın sosial-iqtisadi inkişafında xidmətləri olan ahıllar bu xeyirxah addıma , dəyərli missiyaya görə təşəbbüskarlara və təşkilatçılara minnətdarlığını bildirdilər.Tədbirin sonunda 12 imkansız ahıla kitabxananın uşaq şöbəsi tərəfindən hazırlanmış sovqat hədiyyə olundu.