Hər il olduğu kimi, bu il də Respublikada 20 sentyabr “Neftçilər günü” peşə bayramı kimi qeyd olunur. Eləcə də bu il neftçilər ailəsində növbəti təntənəli bayramlardan biri olan “Əsrin müqaviləsi”nin 25 illiyi qeyd olunacaq. Əlavə olaraq 2019-cu il doğma Sumqayıt şəhərinin 70 illik yubileyi təntənəli şəkildə keçiriləcəkdir. Qeyd olunanlarla bağlı “Azərikimya” İstehsalat Birliyində də bir sıra təntənəli tədbirlərin keçirilməsi nəzərdə tutulmuşdur. Bunlardan biri 20 sentyabr “Neftçilər günü” peşə bayramına və Sumqayıt şəhərinin 70 illiyinə həsr olunmuş “Azərikimya” İstehsalat Birliyində Sumqayıtın idarə, müəssisə və təşkilatlar arasında, eləcə də həvəskarların iştirakı ilə 29-30 avqust 2019-cu il tarixlərində şahmat turniri keçirilmişdir. Turnirdə Azərikimya İB, Etilen-Polietilen zavodu, Təmir-Tikinti İdarəsi, YAP Sumqayıt şəhər təşkilatı, Sumqayıt Asan Xidmət mərkəzi, Qizil Aypara Cəmiyyyətinin Sumqayıt şəhər bölməsi, Sumqayıt şəhər Gənclər mərkəzi, Sumqayıt Baş Poçt İdarəsi, Sumqayıt Qaz İstismar İdarəsi, Sumqayıt Mədəniyyət İdarəsi və s. komandalar iştirak etmişlər. Turnir Sumqayıt şahmat məktəbinin hakimlər heyəti ilə birgə FİDE-nin qaydalarına əsasən keçirilmişdir. Oyunlar gərgin və maraqlı keçən anlarla yadda qalmışdır. Nəticədə Qarabağ müharibəsi Əlilləri cəmiyyətinin üzvü Eyvazov Rasim 1-ci, Sumqayıt şəhər sakini, təqaüdçü Kərimov Rafiq 2-ci, Sumqayıt Qaz İdarəsinin işçisi Həsənov Xəyyam isə 3-cü yerlərə layiq görülmüşlər. Qaliblər “Azərikimya” İstehsalat Birliyi tərəfindən qiymətli hədiyyələr və fəxri fərmanlarla mükafatlandırılmışlar. Biz də öz növbəmizdə qalib iştirakçıları təbrik edir,könüllülərimizə isə fəallıqlarina görə təşəkkür edirik.
