Niderland dövlətinin Azərbaycandakı Səfiri cənab Robbert J. Gabrielse və Azərbaycan Qızıl Aypara Cəmiyyətinin  İcraçı Katibi Bayram Vəliyev 7 oktyabr 2015-ci il tarixdə birgə əməkdaşlıq barədə razılaşma imzalamışlar. Görüşdə cənab səfirə AzQAC-ın ölkə daxilində və xaricdə humanitar fəaliyyət sahəsində gördüyü çox sahəli işlərdən məlumat verilmişdir. Cənab səfir Robbert J. Gabrielse aldığı məlumatdan çox razı qalmış və AzQAC ilə gələcək əməkdaşlığa hazır olduqlarını və bundan  məmnun qaldıqlarını ifadə etmişdir.  AzQAC İcraçı Katibi Bayram Vəliyev də öz növbəsində  Niderland dövlətinin Azərbaycandakı Səfirliyinin bu təşəbbüsünü yüksək qiymətləndirmiş və AzQAC rəhbərliyi adından  cənab  səfirə dərin  hörmət  və təşəkkürlər çatdırmışdır.

Hər iki tərəf  humanizm yolunda  gələcək əməkdaşlığın  davamlı və uğurlu olması üçün  bir-birinə müvəffəqiyyət arzulamışlar