Hər il avqust ayının 19-u dünyada Beynəlxaq Humanitar yardım günü kimi qeyd olunur.Bu gün BMT tərəfindən 2008- ci ildə təsis edilib.2009-cu il avqustun 19-da bu gün ilk dəfə qeyd olunub.Bu tarix ehtiyacı olan insanlara humanitar yardım göstərəkən həyatını itirmiş humanitar yardım işçilərinin xatirəsinə həsr olunur.
2003-cü il avqust ayını 19-da İraqda baş verən partlayış zamanı həmin ölkədə öz humanitar yardım missiyasını yerinə yetirən bir qrup əməkdaş faciəli surətdə həlak olmuşlar. Məhz bu tarix onların xatirəsini anmaq üçün xüsusi olaraq seçilib.Dünyada humanitar yardım missiyasını həyata keçirən əməkdaşlar,könüllülər və fəallar milyonlarla insanın həyatını qurtarmaq üçün köməkliklərini əsirgəmirlər.Bəzən onlar öz həyatlarını riskə ataraq münaqişə zonalarında, təbbii fəlakətlərin baş verdiyi ərazilərdə yardıma ehtiyacı olanlara köməklik göstərirlər.
Dünyada ekoloji və sağlamlıq problemlərinin,münaqişə ocaqlarının və təbbii fəlakətlərin çoxalması və s.buna bənzər böhranlı vəziyyətlər humanitar yardım işçilərinin fəaliyyətinin önəmini daha da artırır.
Azərbaycan Qızıl Aypara Cəmiyyəti də öz növbəsində dünyada humanitar yardım əməliyyatlarında həlak olmuş və zədələnmiş humanitar yardım işçilərinə bir daha ehtiramını ifadə edərək, xeyirxah missiyasına uyğun olaraq humanitar yardım fəaliyyətlərinin həyata keçməsində hər zaman həmrəylik nümayiş etdirmişdir.
Humanitar yardım şöbəsi.
