13 noyabrda “Park Bulvar” AVM-də mərkəzin dəstəyi və köməyi ilə “14 noyabr – Ümumdünya Diabet Günü” ilə bağlı “Gəlin, sağlam qidalanmanı imtiyaz kimi yox, haqq kimi qəbul edək. Sabahı dəyişmək üçün bu gün hərəkətə keçək!” şüarı altında maarifləndirmə aksiyası keçirildi.
Aksiyanın təşkilatçıları İctimai Səhiyyə və İslahatlar Mərkəzi (İSİM), Respublika Endokrinoloji Mərkəzi, Azərbaycan Qızıl Aypara Cəmiyyəti (AzQAC) və Azərbaycan Diabet Liqası (ADL) Qeyri-infeksion xəstəliklərin risk faktorları olan tütünçəkmə, piylənmə, yüksək qan təzyiqi, qeyri-sağlam qidalanma tərzi, fiziki aktivliyin olmaması ilə mübarizə və bu sahədə maarifləndirmə işlərinin aparılması məqsədilə müxtəlif tədbirlər təşkil edir. Qeyri-infeksion xəstəlikləri qrupuna aid olan şəkərli diabet Ümumdünya Səhiyyə Təşkilatının (ÜST) 2006-cı ildə qəbul etdiyi xüsusi bəyannaməsinə görə “ağır xroniki xəstəlik” kimi qələmə verilir və O digər xəstəlikləri kəskinləşdirə, ana və uşaq sağlamlığına mənfi təsir göstərə bilər. Bu xəstəliyin yüksək artımı eyni zamanda onun yaratdığı tibbi, sosial, iqtisadi, psixoloji və digər problemləri də qabardır.
Ümumdünya Diabet Gününün keçirilməsi ilə bağlı təklif 1991-ci ildə Beynəlxalq Diabet Federasiyası və ÜST tərəfindən dünyada diabet hallarının yüksəlməsinin qarşısını almaq məqsədilə irəli sürülüb. 2006-cı ildə BMT Baş Assambleyası tərəfindən qəbul edilən qətnaməyə əsasən, 2007-ci ildən etibarən hər il noyabrın 14-ü BMT-nin Ümumdünya Diabet Günü kimi hesab olunur. Bu gündə ictimaiyyət xəstəliyin səbəbləri, simptomları, fəsadları və müalicəsi ilə bağlı məlumatlandırılır, xəstəliyin inkişafının qarşısının alınması yolları araşdırılır.
Keçirilən aksiya zamanı Qızıl Aypara Cəmiyyətinin və ADL-nın könüllüləri “Park Bulvar” ATM-ə gələn insanlara şəkərli diabet, sağlam həyat tərzi, fiziki aktivlik mövzularında İSİM tərəfindən tərtib və çap edilmiş maarifləndirmə materiallarını payladılar. Eyni zamanda mərkəzə gələnlərə İSİM və ADL-nın tibbi heyyəti tərəfindən təmənnasız qanda şəkərin yoxlanılması və ümumi tibbi müayinə kimi işlərin aparılması elan olundu və nəticədə 100-dən artıq insanın müayyinədən keçmək imkanı yaradıldı, həkim məsləhəti verildi.
Aksiya zamanı çıxış edən Qızıl Aypara Cəmiyyətinin vitse-prezidenti cənab Qafar Əsgərzadə, İSİM-in layihələrin əlaqələndirilməsi şöbəsinin müdiri Səbinə Babazadə və ADL-ın sədri Yegana Sultanova tədbir iştirakçılarına müraciət edərək onları sağlamlıqlarına, həyat tərzlərinə diqqətli olmağa və düşüncəli yanaşmağa çağırdılar. Hər üç təşkilatın nümayəndələri dövlət və qeyri-hökümət qurumlarını təmsil edərək, mandat və missiyalarına uyğun olaraq bu xəstəliyin aradan qaldırılmasında, inkişafının qarşısının alınmasında, xəstəlikdən əziyyət çəkən insanlara diqqət və qayğının göstərilməsində əməli dəstəyin verilməsinə hazır olduqlarını qeyd etdilər.
Aksiyanın maraqlı keçməsi və eyni zamanda insanların şəkərli diabet haqqında biliklərinin səviyəsinin yoxlanılması məqsədilə sual-cavab viktorinası keçirildi və qaliblər hədiyyələrlə mükafatlandırıldı. Aksiyanın artıq ənənəyə çevirilmiş bir tədbirini qeyd etmək lazımdır ki, bu da mərkəzdə şəkərli diabeti olan 30 nəfər uşaqlara əyləncənin təşkil edilməsidir. İSİM tərəfindən uşaqlara hədiyyələr təqdim olundu.
Fürsətdən istifadı edərək hər üç təşkilatçı qurumların adından “Park Bulvar” ATM-nin rəhbərliyinə dəfələrlə belə bir tədbirlərin keçirilməsi üçün müvafiq şəraitin, imkanın yaradılmasına, dəstəyin göstərilməsinə görə təşəkkürlər bildirildi.
Hər il müxtəlif şüar altında keçirilən Ümumdünya Diabet Gününün dəyişilməz amalı belə səslənir: “Güc birlikdədir!” və günün emblemi olan mavi dairə şəkərli diabet ətrafında hamının birləşməsini simvolizə edir. Beləliklə aksiyanın sonunda bütün tədbir iştirakçıları günün rəmzinin ətrafında toplaşmaq məqsədilə qöy şarlarla dairə yaradıb “Güç birlikdədir”sözlərinin səsləndirdilər və sarları göyə buraxdılar
