2021-ci il oktyabrın 26-27-i Bərdə rayonunda baş tutan təlimdə məqsəd Milli Cəmiyyətin Fövqəladə Mobil Könüllü Dəstələrinə yeni qoşulmuş könüllülərin Beynəlxalq Humanitar Hüququn (BHH) və Fundamental prinsiplərin Yayımı sahəsində bilik və bacarıqlarını artırmaq və dəstə üzvləri arasında potensial təlimçiləri müəyyənləşdirmək olmuşdur. Təlimdə BHH, Beynəlxalq Qızıl Xaç və Qızıl Aypara Hərəkatının yaranma tarixi, tərkib hissələri, fundamental prinsipləri haqqında geniş məlumat verilmişdir. Həmçinin, könüllülərə Azərbaycan Qızıl Aypara Cəmiyyətinin yaranma tarixi, fəaliyyət istiqamətləri, həyata keçirdiyi layihələr və proqramlar haqqında ətraflı məlumatlar çatdırılmışdır. Daha sonra könüllülər qruplara bölünürək məşğələlər aparılmışdır. Onlara təqdimatın aparılması qaydası öyrədilmişdir. Hər bir könüllü Hərəkat və onun tərkib hissələri haqqında öz təqdimatını hazırlayaraq iştirakçılara təqdim etdilər. Sonda təklif və rəylər dinlənilmişdir. Ətraflı müzakirələr aparılmış və suallar cavablandırılmışdır.
