Az.QAC Sumqayıt şəhər bölməsinin “Mərhəmətli olmağa tələsin” xeyriyyə aksiyası davam edir. Tədbirdə Elçin Kərimov, Cavid Quliyev, Kamal Almuradlı və Anar Mustafayev də iştirak edirdi. Bölmə sədri Mətanət Məhərrəmova iştirakçıları salamlayaraq, onları qarşıdan gələn Dünya Azərbaycanlılarının Həmrəyliyi Günü və Yeni 2022-ci ilin gəlişi münasibəti ilə təbrik edərək,ən xoş arzularını bildirdi. Sumqayıt şəhərindən seçilmiş millət vəkili köməkçilərinin müraciəti əsasında aztəminatlı ailənin uşaqlarına əvvəlcədən hazırlanmış siyahı əsasında, ehtiyaclarına uyğun qış geyimləri onlara paylanıldı. Valideynlər də öz növbələrində Onların müraciətlərinə diqqətlə yanaşan millət vəkillərinə və AzQAC Sumqayıt şəhər bölməsinin rəhbərliyinə öz minnətdarlıqlarını bildirdilər. Xoş əhval-ruhiyə ilə tədbir başa çatdı. Tədbirdə iştirak edə bilməyən fiziki qüsurlu uşaqların qış geyimləri könüllülər tərəfindən evlərində çatdırıldı. 
