18 İyul 2022 tarixində Mingəçevir rayonunda başlayan, Beynəlxalq Qızıl Xaç Komitəsinin dəstəyi və Azərbaycan Qızıl Aypara Cəmiyyətinin təşkilatçılığı ilə Fövqəladə Mobil Könüllü Dəstələrin (FMKD) “Liderlik və Komanda Quruculuğu” tədbirinin bu gün 2-ci günü davam edir.
Tədbirin 2-ci günündə müxtəlif çıxışları oldu. İlk öncə “Liderlik və komanda quruculuğu fəaliyyətləri” barədə BQXK Əməkdaşlıq komandası və Milli Cəmiyyətin tərəfdaşlıq koordinatoru Nigar Rüstəmzadə tərəfindən çıxış oldu. “Liderlik və komanda quruculuğu fəaliyyətləri” barədə çıxış interaktiv formada davam etdi.
Daha sonra AzQAC bölmələrinin təqdimatlarına hazırlıq barədə Nigar Rüstəmzadə açıqlamalar verdi.
Bundan sonra tədbirin sonuna qədər Azərbaycan Qızıl Aypara Cəmiyyətinin bölmələrinin təqdimatları oldu. Hər bir bölmə il ərzində gördüyü bütün işlər və fəaliyyətlər barədə açıqlama verərək, digər bölmələri də məlumatla təmin etdilər.
