20 İyul 2022 tarixində Mingəçevirdə Beynəlxalq Qızıl Xaç Komitəsinin dəstəyi və Azərbaycan Qızıl Aypara Cəmiyyətinin təşkilatçılığı ilə Fövqəladə Mobil Könüllü Dəstələrin (FMKD) “Liderlik və Komanda Quruculuğu” tədbirinin bu gün 3-cü günü başa çatdı.
Tədbirin 3-cü günündə ilk olaraq Azərbaycan Qızıl Aypara Cəmiyyətinin Gənclər və Könüllülər üzrə şöbə müdiri Xalidə İsgəndərova fəaliyyətlər və struktur barədə geniş və detallı izahlar verdi.
Daha sonra İlk Yardım simulyasiyası keçirildi. Könüllülər İlk Yardım bacarıqlarını açıq havada nümayiş etdirdilər və istənilən an İlk Yardıma hazır olduqlarını gödtərdilər.
Daha sonra isə hərəkat sessiyası baş tutdu. Sessiyada Azərbaycan Qızıl Aypara Cəmiyyətinin icraçı katibi Ceyhun Mirzəyev, Beynəlxalq Qızıl Xaç və Qızıl Aypara Cəmiyyətləri Federasiyasının Azərbaycan üzrə nümayəndə heyəti Serdar Günel və Tiffany Loh, Beynəlxalq Qızıl Xaç Komitəsinin əməkdaşlıq üzrə kordinatoru Laura Sesenna, BQXK Azərbaycan nümayəndəliyinin rəhbər əvəzi Beata Skwarska və BQXK Bərdə alt nümayəndəliyinin başçısının müavini Valeria Gemello fəaliyyətlər və ümumi anlayışlar barədə çıxışlar etdilər və könüllülərə təşəkkürlərini bildirdilər.
