21 İyul 2022 tarixində Mingəçevirdə Beynəlxalq Qızıl Xaç Komitəsinin dəstəyi və Azərbaycan Qızıl Aypara Cəmiyyətinin təşkilatçılığı ilə Fövqəladə Mobil Könüllü Dəstələrin (FMKD) “Liderlik və Komanda Quruculuğu” tədbirinin bu gün 4-cü günü başa çatdı.
Fövqəladə Mobil Könüllü Dəstələrin (FMKD) “Liderlik və Komanda Quruculuğu” tədbirin 4-cü günü könüllülərin simulyasiya məşğələsi ilə başladı. Könüllülər onlara verilən tapşırığa uyğun olaraq ilk öncə masaüstü hazırlıqlar gördülər. Hazırladıqları gedişata uyğun olaraq simulyasiya məşğələsini açıq havada reallaşdırdılar. Məşğələ zamanı könüllülər İlk Yardım, minalarla mübarizə, təxliyə, psixososial dəstək və digər mövzularda öz bacarıqlarını nümayiş etdirdilər.
Daha sonra könüllülər İlk Yardım, Risklərə və təhlükəsizliyə dair maarifləndirmə, psixi sağlamlıq və psixososial dəstək, iqtisadi təhlükəsizlik, təhsilə giriş, kommunikasiya, su və yaşam mövzularında öz təqdimatlarını etdilər.
