Artıq neçə ildir Azərbaycan Qızıl Aypara Cəmiyyətində müxtəlif təhsil ocaqlarının tələbələri təcrübə mübadiləsi keçirlər. Xəzər Universitetinin Regionşünaslıq və Beynəlxalq münasibətlər fakültəsinin IV kurs tələbələrindən 3 nəfər (Binnətova Sevinc, Həsənova Cəmilə və Kasımov Elxan) 5 noyabr 2015-ci il tarixindən 5 dekabr 2015-ci il tarixinə kimi bir aylıq təcrübə mübadiləsi keçmişlər. Bu bir ay müddətində onlara Cəmiyyətimizin, eləcə də hərəkatın tarixi, fəaliyyəti, həyata keçirilən layihələr və s. haqqında dolğun məlumat verilmiş, prezentasiya təqdim olunmuşdur. Onlar həmçinin, Cəmiyyətin müxtəlif tədbirlərində iştirak etmişlər. Sonda isə, 4 dekabr tarixində Cəmiyyətimizin baş qərargahında tələbələrlə təcrübənin nəticələrinə dair müsahibə keçirilmiş, onlarla sorğu-sual aparılmışdır. Təcrübə mübadiləsinin rəhbəri kimi Cəmiyyətin Vitse-Prezidenti, fəlsəfə doktoru, əməkdar jurnalist Qafar Əsgərzadə tələbələrin biliklərini qiymətləndirmiş, onlara müvəffəqiyyətlər arzulamışdır. Tələbələrə xasiyyətnamələr təqdim olunmuşdur.
