12 yanvar 2022-ci ildə Azərbaycan Qızıl Aypara Cəmiyyəti İtaliya Qızıl Xaç Cəmiyyətinin nümayəndəsi, Beynəlxalq əməkdaşlıq və əlaqələr şöbəsinin Avropa, Asiya regionu üzrə rəhbəri və eyni zamanda Qafqaz regionu üzrə müvəqqəti nümayəndəsi Fabrizio Damiani-ni baş idarədə qəbul edib.
Səfərin ilk günü cənab Damiani AzQAC-ın Sumqayıt şəhər bölməsini ziyarət edib və Fövqəladə Mobil Könüllü Dəstənin (FMKD) fəaliyyəti ilə tanış olub. Səfərin ikinci günü AzQAC-ın icraçı katibi Ceyhun Mirzəyev cənab Damiani-ni baş idarədə qəbul edib. Görüşdə həmçinin icraçı katibin müavinləri Şaban Şayev və Elşən Səlimzadə də iştirak edib.
Görüş zamanı AzQAC-ın fəaliyyətləri, davam edən layihələri, İtalya Qızıl Xaç Cəmiyyətinin Cənubi Qafqazda həyata keçirdiyi layihələr, Milli Cəmiyyətlər arasında əməkdaşlıq çərçivəsində görülə biləcək işlər barədə müzakirə aparılıb.
