Azərbaycan Qızıl Aypara Cəmiyyətinin könüllüləri Azərbaycanın Ağdam, Bərdə, Füzuli, Tərtər və Tovuz rayonlarında “Mənim haqqımda kitab” təlimi təşkil ediblər.
“Mənim haqqımda kitab” – 2010-cu ildə İsveç Qızıl Xaç Cəmiyyəti tərəfindən hazırlanmış alətlər dəstidir. Kitab silahlı münaqişə və digər zorakılıqlardan təsirlənən uşaqların ehtiyaclarını ödəmək üçün uyğunlaşdırılmışdır. Kitab silahlı münaqişə və digər zorakılıqlardan təsirlənən uşaqların ehtiyaclarını ödəmək üçün BQXK tərəfindən uyğunlaşdırılmışdır. Fəaliyyətin əsas məqsədi uşaqların stressin öhdəsindən gəlmə bacarıqlarını gücləndirməkdir.
Qeyd edək ki, aprel ayında 10 AzQAC könüllüsü Azərbaycanın 4 rayonunda: Ağdam rayonu – Təzəkənd, Tərtər rayonu – Borsunlu və Qaradağlı Qapanlı, Füzuli rayonu – Əhmədalılar, Tovuz rayonu – Ağdam-da “Mənim haqqımda kitab” təlimi təşkil olunmuşdu.
2022-ci ildə AzQAC psixoloqu tərəfindən təlimatlandırılmış AzQAC könüllüləri BQXK dəstəyi ilə ümumilikdə 213 uşaq üçün məktəblərdə Mənim Haqqımda Kitab məşğələləri keçirmişdir. Keçən il əldə edilən uğuru nəzərə alaraq, fəaliyyət bu il də davam etmiş və 121 məktəblini əhatə etmişdir.
Ümumilikdə, 2023 il ərzində fəaliyyətin 300 uşağı əhatə etməsi planlaşdırılıb.
