Azərbaycan Qızıl Aypara Cəmiyyətinin Mingəçevir şəhər bölməsinə  2016-cı il mart ayının 5-də müraciət daxil olmuşdur.Müraciətə əsasən 27 yanvar tarixində saat 10:25 radələrində Mingəçevir şəhəri Şəfa küçəsi 8-ci döngə ev 23 ünvanında yanğın  baş vermişdir . Sözügedən ünvanda baş verən yanğın zamanı ev sahibi Süleymanov Cəfərqulu Sadıq oğlunun övladı 1981-ci il təvəlüdlü Süleymanov İqbal Cəfərqulu oğlu yanaraq dünyasını dəyişib. AzQAC-nin Mingəçevir şəhər bölməsinin əməkdaşları zərərçəkmiş ailəyə baş çəkmiş və onlara yorğan-döşək dəsti, ərzaq , paltar və qab-qacaqdan ibarət humanitar yardımlar etmişlər. Bu missiyanı həyata keçirməkdə bizə kömək edən məktəbli könüllülərimizə xüsusi minnətdarlığımızı bildiririk.