12 mart 2016-cı il tarixində AzQAC Nizami rayon bölməsinin sədri Rəna İbrahimovanın təşkilatçılığı ilə “Funda” Tibb Mərkəzinin tibb personalı tərəfindən Sumqayıt Regional Mərkəzinə daxil olan AzQAC Xaçmaz, Şabran rayon bölmələrinin qeydiyyatında olan imkansız ailələrin vətəndaşları tibbi müayinə olunmuşdular. Xeyriyyə aksiyasında Sumqayıt Regional Mərkəzinin koordinatoru Mətanət Məhərrəmova da iştirak edirdi. “Funda” Tibb Mərkəzinin həkim-pediatrı Kənan Qarayevin başçılıq etdiyi tibb personalına kardioloq, pediatr, nevroloq, USM, lor, labarator xidməti daxil olmaqla 15 nəfərdən ibarət heyətin iştirakı ilə 76 nəfər imkansız ailədən olan uşaqlar və yaşlılar tibbi müayinə və təyinat olunmuşdur. Müayinə Xaçmaz rayonunda yerləşən N – Kay-M klinikasında baş tutmuşdur. Bir çox imkansız xəstələrə elə yerindəcə yaxında yerləşən əczaxanadan dərmanlar alınıb verilmişdir. Aksiyanın sonunda xeyriyyə aksiyasında əməyi keçən bütün həkim heyətinə AzQAC Nizami rayon bölməsinin sədri Rəna İbrahimova və Sumqayıt Regional Mərkəzinin koordinatoru Mətanət Məhərrəmova öz təşəkkürünü bildirmişdi.
