Azərbaycan Qızıl Aypara  Cəmiyyəti Sumqayıt şəhər bölməsi  könüllülərin  növbəti  ingilis dili kursunu təşkil etmişdir. 16- avqust 2016-ci il tarixində kursun növbəti dərs günü baş tutdu. Kurs bölmənin  fəal könüllüsü Arzu Mustafazdə tərəfindən təmənnasız olaraq həftədə bir dəfə olmaqla keçirilir. Arzu müasir tədris vasitə və metodlarından, videoçarxlardan, qrup işlərindən, kağızlarla işdən istifadə edərək könüllülərlə maraqlı dərs keçmişdir. Onlar öyrəndikləri yeni bilikləri dərs müddətində cümlələr qurmaqla və danışmaqla tətbiq etmişlər. Diskussiya formasında keçən dərsdə könüllülər onlardan soruşulan sualları  ingilis dilində cavablandırdılar. Kurs müddətində könüllülər yeni sözlər öyrənərək, ingilis  dilində danışıq, bacarıq və vərdişlərini təkmilləşdirməsi məqsədi kimi qarşıya qoyulmuşdur.