27-28 aprel 2017-ci il tarixində “Təlükəsiz və möhkəm icmaların qurulması” layihəsi çərçivəsində Azərbaycan Qızıl Aypara Cəmiyyətinin İlk yardım üzrə koordinatoru Şahin Biləndərli tərəfindən Kuzun və Əniq kənd orta məktəblərində İlk yardıma dair treninqlər keçirilmişdir. Tədbiri giriş sözü ilə layihənin meneceri Fərid Seyidzadə açaraq, gələn qonaqları salamlamış və çıxış etmək üçün sözü AzQAC İlk yardım üzrə koordinatoru Şahin Biləndərliyə vermişdir. Şahin müəllim ilk yardımla bağlı müxtəlif mövzular barədə məlumat verərək, ilk yardım bacarıqlarına yiyələnməyin əhəmiyyətindən söz açmışdır. Daha sonra qanaxmalar və sınıqlar zamanı lazım olan ilk yardım tədbirlərini əyani şəkildə nümayiş etmişdir.