Cəmiyyətin prezidenti, Milli Məclisin Deputatı Novruz Aslanov tanınmış şair, Azərbaycan Yazıçılar Birliyinin üzvü Musa Yaqubu qəbul etdi. Şair Musa Yaqubun Azərbaycan poeziyasının inkişafında xüsusi xidmətləri olub. Onun çox şaxəli yaradıcılıq yolu gənc yazarlar üçün bir örnəkdir. Bununla yanaşı şair respublikanın ictimai həyatında da fəallıq göstərib.
May ayının 10-da şair 80 yaşına qədəm qoyur. Bu əlamətdar yubileylə əlaqədar keçirilən görüşdə Novruz Aslanov şairin məhz bu şərəfli yaradıcılıq yolundan bəhs etmiş, Azərbaycan ədəbiyyatındakı rolunu və Azərbaycan gəncliyinin vətənpərvərlik ruhunda yetişməsində ədibin əsərlərinin əhəmiyyətini xüsusi qeyd etdi. Şairə öz təbriklərini çatdıraraq ona yeni sənət uğurları azruladı.
Çox isti münasibətə, əməyinə, sənətinə verilən xüsusi diqqətə görə şair Musa Yaqub Novruz Aslanova dərin minnətdarlıq ifadə edərək, yeni çapdan çıxmış şerlər kitabını ona hədiyyə etdi.
Görüşün sonunda Cəmiyyətin prezidenti şairə yubiley hədiyyəsi təqdim etdi, şairə bir daha uğurlar arzuladı.
