Hər il olduğu kimi bu il də AzQAC Sumqayıt şəhər bölməsi ənənəvi donorlarının dəstəyi ilə qeydiyyatında olan ahılları Müqəddəs Ramazan bayramı münasibəti ilə bayram sovqatları ilə təbrik etdilər. Tədbirdə SOCAR Polymer MMC əməkdaşı Bəxtiyar Allahverdiyev də iştirak edirdi.Bölmə sədri Mətanət Məhərrəmova ahılları bayram münasibəti ilə təbrik edərək,xoş arzularını onlara və bu tədbirin ərsəyə gəlməsində dəstəyi olan təşkilat rəhbərliklərinə ünvanladı.Sonra pandemiyanı nəzərə alaraq sıraya düzülən ahıllar növbə ilə öz bayram sovqatlarını alaraq,öz xeyir-dualarını bildirdilər.Qeyd etmək istəyirik ki, 4 gün ərzində həm ofisdə, həm evlərində 455 nəfərə bayram sovqatları tərəfimizdən bölmə könüllülərinin köməkliyi ilə paylanıldı. SOCAR Polyumer MMC, Paşa Həyat Sığorta, Lactalis Caspi MMC,Ordubad marketin rəhbərliyinə adının hallanmağını istəməyən 4 xeyriyyəcilərimizə bölmə əməkdaşları və ahılları adından minnətdarlığımızı bildiririk! Etdiyiniz xeyirxahlıqların əvəzini Allahu Təala qarşınıza cıxarsın! Ramazan bayramınız mübarək! 
