Azərbaycan Qızıl Aypara Cəmiyyətinin prezidenti cənab Novruz Aslanovun Beynəlxalq Qızıl Xaç Komitəsinin Azərbaycandakı nümayəndəliyinin yeni başçısı xanım Ariane Baueri, BQXK-nın Azərbaycandakı nümayəndəliyinin keçmiş rəhbəri Elena Ajmone Sesseranı və Əməkdaşlıq üzrə məsul şəxsi Laura Sessenanı qəbul etdi.
Görüşü giriş sözü ilə açan prezident qonaqları AzQAC-ın kollektivi, çoxsaylı könüllüləri və üzvləri adından salamladı. Hər iki qurum arasındakı əlaqələri yüksək qiymətləndirdiyini deyən natiq Ariane Bauerə yeni və çətin missiyasında uğurlar arzuladı. Dünyadakı hazırki gərginlik, mövcud vəziyyət haqqında danışdı. Prezident işğal altında olan torpaqlardan söhbət açdı. Bu çətin dövrdə burada olmağının məqsədə uyğun olduğunu qeyd etdi. Prezident çıxışında bir neçə istiqamət üzrə münasibətlərin daha da inkişaf etdirilməsinin vacibliyini vurğuladı. Bunlara misal olaraq Hərəkat daxili münasibətlərin yüksək səviyyədə qurulmasını və onun icrasına keçilməsini, beynəlxalq aləmdə tərəfdaşlığımızın üzə çıxarılmasını söylədi.
Daha sonra çıxış edən keçmiş başçı Elena Sessera öz növbəsində dərin təşəkkürlərini Novruz Aslanova bildirdi. BQXK-nın Azərbaycandakı nümayəndəliyinə rəhbərlik etdiyi 4 il ərzində qarşılıqlı əlaqələrdən məmnun olduğunu qeyd etdi. 2016-ci ildə aprel ayında baş vermiş hadisələr zamanı həyata keçirilən bir sıra proqramlardan danışdı. Fövqəladə Mobil Könüllü Dəstələrdən, psixososial dəstək proqramlarından danışaraq əməkdaşlığımızın beynəlxalq səviyyədə olduğunu xüsusi qeyd etdi. Buna Peter Maurerin AzQAC-ın prezidenti Novruz Aslanovla olan görüşünü misal çəkdi. BQXK-ya vacib olan məslələrdə Cəmiyyətin dəstəyindən bəhs edərək, bütün görüşlərində AzQAC ilə olan münasibətlərindən söhbət açdığını söylədi. Yeni başçı ilə birlikdə cəbhəyanı ərazilərə baş çəkdiklərini söylədi. Fövqəladə Hallara Hazırlıq və Cavabvermə planının hazırlanmasının önəmindən danışdı. Hərəkat üzvlərinin orada öz əksini tapmasının məqsədə uyğun olduğunu qeyd etdi. Planı nəzərdə tutanda hazırki şəraitin də nəzərə alınmalı olduğunu xüsusi vurğuladı. Təmas xəttində təhlukəsiz davranış qaydalarını həyata keçirdiklərini, 2021-ci il üçün bu sahədə fəaliyyətlərinin davam etdirmək niyyətində olduqlarını əlavə etdi. QXQAC-ın Beynəlxalq Federasiyasının ofisinin açıldıqdan sonra Planın hazırlanmasına dəstək olmağa hazır olduqlarını söylədi.
Azərbaycana gəlməsindən şad olduğunu qeyd edən Beynəlxalq Qızıl Xaç Komitəsinin Azərbaycandakı nümayəndəliyinin yeni başçısı xanım Ariane Bauer özü və fəaliyyəti haqqında qısa məlumat verdi. Sahələrdə milli cəmiyyətlər ilə işləməyindən danışdı. Milli cəmiyyətlərdə könüllülər tərəfindən görülən işləri yüksək qiymətləndirdiyini söylədi. Görülən işləri təhvil alaraq onları daha da yüksək səviyyəyə qaldıracağına hazır olduğunu qeyd etdi.
Daha sonra yeni təyin olunmuş BQXK-nın Azərbaycandakı nümayəndəliyinin əməkdaşlıq üzrə koordinatoru Laura Sesenna Novruz Aslanva onu qəbul etdiyi üçün öz təşəkkürlərini bildirdi. Bu çətin dövr ərzində AzQAC-la daim əlaqə saxlayaraq aidiyyatı sahələrdə dəstək olduqlarını söylədi. Razılığıa əsasən 2021-ci il üzrə 7 istiqamətdəki proqramlar üzrə çalışacaqlarını qeyd etdi. Əməkdaşlığımızın mərkəzində FMKD və onların potensialının dayandığını vurğuladı. Hazırda könüllülər tərəfindən davam edən ilk yardım təlimlərindən bəhs etdi. AzQAC-ın 2021-2025-ci il Yeni Strateji İnkişaf Planının hazırlanmasına onları da dəvət etdiklərinə görə təşəkkür etdi. Bu sahədə öz dəstəklərini verəcəklərini söylədi.
Sonda qonaqlara simvolik xatirə hədiyyələri verildi və onlarla xatirə şəkli çəkdirildi.
