Qusar rayon Gənclər evində 27 aprel 2017-ci il tarixində keçirilən seminarlarda Qusar rayonu ərazisinə daxil olan kəndlərdən gələn nümayəndələrə “İcmalarda liderlik vərdişlərinin aşılanması” mövzusunda maarifləndirici təlim keçirildi.
Seminarı giriş sözü ilə açan Cəmiyyətin prezidentinin müşaviri Elşən Səlimzadə təlimin məqsədi və gördükləri işlər barədə iştirakçılara geniş məlumat verdi.
Sonra Qusar rayon İcra Hakimiyyətinin nümayəndəsi Vadim Əmirquliyev çıxış etdi. Kənd icmalarının təhlükəsiz və möhkəm qurulmasında Cəmiyyətin təşkil etdiyi seminarların vacibliyindən danışdı.
Cəmiyyətin İnformasiya və İctimaiyyətlə Əlaqələr şöbəsinin Yayım sektorunun rəhbəri Xalid Xəlilov icma nümayəndələrinə Beynəlxalq Qızıl Xaç və Qızıl Aypara Hərəkatının, Azərbaycan Qızıl Aypara Cəmiyyətinin yaranma tarixi, fəaliyyət istiqmətləri, fundamental prinsipləri haqqında geniş məlumat verdi.
Kənd icmalarında liderlik vərdişlərinə yiyələnmək mövzusunda AzQAC-ın İcraçı Katibin müavini-Gənclər və Könüllülər şöbəsinin müdiri Xalidə İsgəndərova çıxış etdi. Xalidə xanım təlimində iştirakçılara liderlik haqqında geniş məlumat verdi. Daha sonra onlarla məşğələ təşkil edildi. İştirakçılar qruplara bölünərək layihə yazmağı öyrəndilər.
Tədbirdə Sumqayıt regional mərkəzinin koordinatoru Mətanət Məhərrəmovada iştrak etmişdir. Mətanət xanım cıxış edərək, könüllülərin bu işdə fəallıq göstərməklərindən danışdı.
Təlimin təşkilatçılığını layihənin meneceri Fərid Seyidzadə və AzQAC-ın Qusar rayon bölməsinin sədri Binyəddin Xeyirbəyov etmişlər.
Seminarda Qusar rayonunun Kuzun və Əniq kənd icmalarının nümayəndələri iştirak etdilər.
