Azərbaycan Qızıl Aypara Cəmiyyəti Respublikada içtimai səhiyyə, humanitar sahəsində Dövlətə yardımçı rolunu oynayaraq, yerli hökumət və QHT-la əməkdaşlıq çərçivəsində, Regional Mərkəzlər və Yerli Bölmələr vasitəsilə əhali arasında ana və uşaqların sağlamlığının yaxşılaşdırılması və xəstəliklərin sayının azaldılmasına dair geniş səhiyyə maarifi işini təşkil edir.
Ümumdünya Səhiyyə Təşkilatı ölkələrdə hər il “1-7 avqust Ümumdünya ana südü ilə qidalanma həftəsi”nə həsr edilən geniş kompaniyaların keçirilməsini tövsiyyə edir. Bununla bağlı, hər il olduğu kimi, AzQAC rayon bölmələri yerli səhiyyə strukturları ilə birgə qadınlar arasında maarifləndirici görüşləri təşkil edirlər. Bu ilin avqust ayının 11 də, AzQAC “İcmaya əsaslanan sağlamlıq” proqramı çərçivəsində Pirallahı rayonlarında yerləşən 10 saylı Birləşmiş Xəstəxanasında hamilə qadınlar və analara “Ana südü ilə qidalanmanın sağlamlığa faydası” adlı seminar təşkil edildi. Keçirilən görüşdə AzQAC-in “İcmaya əsaslanan sağlamlıq” proqramının rəhbəri Mətanət Qaraxanova hamilə qadınlar və analara ana südü haqqında, onun uşaq və ana sağlamlığı üçün əhəmiyyəti və faydası barədə geniş məlumatlar çatdırdı. O, Ümumdünya Səhiyyə Təşkilatının ana südü ilə əlaqədar 10 faktı və digər göstəriciləri tədbir iştirakçılarına təqdim etdi. Tədbirə cəlb olunan qadınlar və eləcə də tibb işçiləri yeni məlumatlar əldə etmək baxımından belə görüşlərin onlar üçün vacib olduğunu vurğuladılar. Seminarda iştirak edən qadınlar arasında sorğu və “Mən və mənim uşağım” adlı test aparıldı. Sonda AzQAC-in Rayon Bölməsinə “İcmaya əsaslanan sağlamlıq” kitabı təqdim edildi , qadınlara isə uşaqların sağlamlığı ilə bağlı kitablar paylanıldı. Piralahı rayonunda yerləşən 10 saylı Birləşmiş Xəstəxanasında keçirilən tədbirdə AzQAC Pirallahı Rayon Bölməsinin sədri Təranə İskəndərova, İcra Hakimiyyətinin Humanitar və sosial şöbəsinin əməkdaşı Şəhla Həsənzadə, Xəstəxananın baş həkimin müavini Kəmalə Mustafayeva iştirak etmişlər.
Həmin gün Cəmiyyətin əməkdaşları, AzQAC-ın prezidenti, Novruz Aslanovun Fomina Klavdiya İvanovnaya mütəmadi diqqət və qayğı göstərilməsi tapşırığına əsasən, 65 il Beynəlxalq Qızıl Xaç və Qızıl Aypara Hərəkatına sadiq olan, Azərbaycan Qızıl Aypara Cəmiyyətində çalışmış, Fomina K.İ. evində ziyarət etdilər. Klavdiya İvanovna, ona daim göstərdiyi ehtiram və hörməti, onunla birgə ictimai səhiyyə ilə bağlı keçirdiyi fəaliyyətləri, xoş əməkdaşlığı yadına saldı. Pirallahı Rayon Bölməsinin sədri Təranə xanıma isə daim ona diqqət və qayğı göstərdiyini xüsusi vurğulayaraq, böyük təşəkkürünü bildirdi. Görüş zamanı Klavdiya İvanovna bir daha göstərilən belə diqqət və qayğıya görə Cəmiyyətin prezidenti cənab Novruz Aslanova və rəhbərlik etdiyi kollektivə dərin minnətdarlığını bildirdi.
